MATTHAI 18:25 - Lai (Hakha) Common Language Bible 2006

²⁵ Cu sal nih cun a leiba chamnak a ngeih lo caah a bawipa nih cun cu pa cu a nupi he a fale he a ngeihmi thil vialte he leiba chamnak dingah cun sal ah zuar si hna seh, tiah a ti.

Laibaibal Thiang (BSI)

²⁵ Asinain a cham khawh lo caah, amah le a nupi le fale he, a ngeihmi vialte he zuar i cham dingin a bawipa nih nawl a pêk.

MATTHAI 18:25 Խաչաձեւ Հղումներ

NEHEMIAH 5:5

Cun annih nih cun, “Sihmanhsehlaw kan pum herhbaunak cu midang hna herhbaunak bantuk a si ve ko i kan fale hna cu an fale tlukin a ṭhami an si ve ko nain, kannih tu nih cun kan fale hna cu sal i i can awkah kan hnek lengmang ko hna. Kan fanule a cheukhat hna lebang cu sal ah an cang taktak cang, asinain, zeihmanh kan tuah khawhmi a um lo, zeicahtiah kan lo hna le kan mitsur dum hna cu midang ta an si cang,” an ti.

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

LUKA 7:42

An pahnih tein an cham kho veve lo, cucaah a ngaihthiam hna. A si ahcun, aho nih khan dah amah cu a dawt deuh lai?” tiah a ti.

LEVITIKAS 25:39

“Cun na unau kha na kiangah a si a fah i amah le amah kha na sinah aa zuar ahcun, sal bantuk cun na hmang lai lo:

NEHEMIAH 5:8

ka thawh hna i, “Kannih nih kan celh khawh chungin miphun dang hna sinah zuarhmi kan unau hna cu kan cawk hna; sihmanhsehlaw nannih nih cun nan unau hna cu nan zuarh hna i kanmah nih kan cawk ṭhan hna a herh lai,” ka ti. Annih cu cipkhap ti loin an um i biachim awk pakhat hmanh an hngal lo.

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

EXODUS 21:2

Hebru mi a simi kha sal i na cawk tikah kum ruk chung an rianh lai. A kum sarihnak ah cun amah nih zeihmanh pek hau loin na luatter lai.

MATTHAI 18:24

Aa thawk kate ah khin a salpa pakhat cu a sinah an ratpi i cu sal nih cun tangka talen thong hra a bat.