MATTHAI 17:24 - Lai (Hakha) Common Language Bible 2006

²⁴ Jesuh le a zultu hna kha Kapernaum khua i an rat tikah biakinn ngunkhuai khawltu pawl nih khan Peter cu, “Nan sayapa nih biakinn ngunkhuai a pe bal maw?” tiah an hal.

Laibaibal Thiang (BSI)

²⁴ Kapernaum khua an phâk tikah, ṭempal ngunkhual khawltu kha Peter sinah an ra i, “Nan Cawnpiaktu nih ṭempal ngunkhuai a pe bal maw? tiah an ti.

MATTHAI 17:24 Խաչաձեւ Հղումներ

NEHEMIAH 10:32

Cun kan Pathian inn rian ṭuannak ca le hun camcinmi changreu ca le pekchanh camcinmi changvut thawinak ca le pekchanh camcinmi khangh thawinak ca le sabbath hna ca le thla thar hna ca le caan a ngeimi puai hna ca le thil thiang hna ca le Israel mi hna ca i remnak tuahnak ca i sual thawinak ca le kan Pathian inn rian ṭuannak dihlak ca i kumfate in shekel cheu thum cheu khat thawh awk zong kha, atu hin kan thawh lai, tiah kan ti.

EXODUS 30:13

Milu relnak ah aa telmi paoh nih cun, pek awk a simi zat kha an pek hrimhrim awk a si lai i biakinn i hmanmi cuaithlainak in pekmi cu thlai an si lai. Cu an pekmi cu Bawipa sin pekmi laksawng a si lai.

EXODUS 38:26

Milu relnak ah relmi nih an thawh awk hnga a simi ning cio ah an thawhmi cu hi zat hi a si i biakinn cuaithlainak in thlaimi an si. Milu relnak ah cun, pa kum kul ri in a cunglei cu thong za ruk le thong thum, za nga le sawm nga an si.

MATTHAI 5:46

Zeicahdah an dawtu hna lawng nan dawt hna tikah, Pathian nih laksawng an pek hna lai? Ngunkhuai khawltu hna hmanh nih cucu an tuah ko ṭung.

MARKA 9:33

Kapernaum khua kha an phan i inn chung i an luh hnuah, Jesuh nih a zultu hna cu, “Lampi ah khan zeidah nan i al?” tiah a hal hna.