MATTHAI 15:22 - Lai (Hakha) Common Language Bible 2006

²² Cuka ram i a ummi Kanaan minu pakhat cu a sinah a ra i, “David Fapa, ka zaangfah tuah. Ka fanu cu khuavang nih a tuah i awlokchong in a um ko,” tiah fak piin a au.

Laibaibal Thiang (BSI)

²² Zohhmanh, cu ram i Kanaan minu pakhat a rak au i, “Maw, Bawipa, David Fapa, ka zângfah tuah. Ka fanu hi ṭha lo in khuachia nih a tuah,” tiah a ti.

MATTHAI 15:22 Խաչաձեւ Հղումներ

MATTHAI 9:27

Cuka hmun cun Jesuh cu a chuak i a kalpah ah khan mitcaw pahnih nih an zulh. “David Fapa kan zaangfah tuah,” tiah an au.

MATTHAI 17:15

“Bawipa, ka fapa hi ka zaangfahpiak tuah. Amah cu mitlu a si i a tluk tikah hin mei chung le ti chung zongah a tlu tawn.

SALM 4:1

Ka au tikah ka let tuah, maw Pathian a ka chanhtu, Harnak chung i ka um tikah nangmah nih na ka bawmh tawn. Atu zong ka zaangfah law ka thlacamnak hi ka theihpiak tuah.

LUKA 18:13

Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

LUKA 17:13

“Jesuh Bawipa, kan zaangfah tuah,” tiah an au.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

EZEKIEL 3:6

Miphun ngan pipi, an holh a hraan tuk ca le a har tuk ca i an chimmi zei a si tiah a sullam na hngalh khawh lomi hna sinah kan thlah lo. Annih sin tu ah khan rak in thlah ning law cu, annih nih cun na bia kha an rak ngaih ko hnga.

SALM 45:12

Tair mi nih laksawng an in put lai, mirum nih na lung tluanter an i zuam lai.

SALM 6:2

ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,

MATTHAI 15:23

Sihmanhsehlaw Jesuh nih bia kaa khat hmanh a let lo. A zultu kha an ra i, “Hi nu hi kalter ko. A kan zul lengmang, a kan auhnawh lengmang i hna a kan hnawh,” tiah an ti.

LUKA 6:18

annih an ratnak cu a bia theih duh le an zawtnak damnak hmuh duh ah a si. Thlarau ṭhalo nih awlok a chonhmi hna zong kha an ra i a damter hna.