MATTHAI 14:6 - Lai (Hakha) Common Language Bible 2006

⁶ Herod chuah ni ah Herodias fanute kha zapi hmaiah cun a lam i Herod cu a lung a ton hringhran.

Laibaibal Thiang (BSI)

⁶ Asinain Herod chuah ni a phâk tikah, Herodi fanu kha an hmaiah an lâmter i cu nih cun Herod lung a lawmhter.

MATTHAI 14:6 Խաչաձեւ Հղումներ

GENESIS 40:20

A ni thum ni ah cun Faro chuah ni kha a hung si, a bawi vialte hna caah rawl danghnak pakhat a ser i a zu bawi le a changreu sertu upa bik kha a bawi vialte hna hmaiah cun a chuahter hna.

MARKA 6:17

Herod hrimhrim nih khan Johan cu nan tlaih lai i nan khih lai i thong ah nan thlak lai, tiah a rak ti hna. Herod nih hi thil a tuahnak cu Herodias kha a nau Filip nupi a si nain nupi ah aa ṭhit caah a si.

MATTHAI 22:24

An i thawh i, “Saya, Moses nih a kan cawnpiakning ah: ‘Mipa pakhat khat cu fa ngei loin a thih ahcun, a unau nih a nupi ro cu a ṭhit hrimhrim awk a si lai i an fale cu mithipa fale kha an si lai,’ tiah ti a si.

LUKA 3:19

Sihmanhsehlaw uktu bawi Herod nih khan a nau nupi Herodias kha a ṭhit caah le thil dang a ṭha lomi tampi a tuah caah amah cu Johan nih khan a sik i

MARKA 6:19

cucaah cun Herodias nih khan Johan cu a lung chung tein a uam ziar i thah a duh; sihmanhsehlaw Herod nih a dawnh caah a that kho lo.

ESTHER 2:18

Cun siangpahrang nih a bawi pawl le a sinum pawl vialte hna caah khan rawl danghnak nganpi a ser, cucu Esther rawldanghnak a si. Cun a pengmi hna kha ngunkhuai ngaihthiamnak a pek hna i siangpahrang nunsiannak he aa tlakning in laksawng a ṭhenh hna.

MATTHAI 14:3

Herod nih khan Johan cu a rak tlaihter hna i thong ah an thlak. Cu ti i a tuahnak cu a nau Filip nupi Herodias ruangah khan a si.

MATTHAI 14:7

Cucaah bia a kam i, “Na ka halmi paoh kan pek lai,” tiah chiatser in a ti.

MARKA 6:14

Jesuh thawngpang cu khuazakip ah a than caah Siangpahrang Herod zong nih cu kong cu a rak theih ve. Mi a cheu nih an i thawh i, “Tipil petu Johan kha a nung ṭhan. Cucaah cun pei hi ṭhawnnak a ngeih hi a si cu,” an ti.

MARKA 8:15

Annih cu Jesuh nih khan a thawh hna i, “Farasi mi hna thilnu le Herod thilnu kha i ralring u,” tiah a ti hna.

LUKA 3:1

Siangpahrang Tiberius kha a bawi kum, kum hleinganak kum a si, Pontius Pilat kha Judah ram mangki a si, Herod kha Galilee uktu a si i a nau Filip cu Iturea le Trakhonitis peng uktu a si; Lisanias cu Abilen uktu a si i

LUKA 8:3

Herod zung i bawi a simi Khuza nupi Joanna le Susanna le Jesuh le a zultu hna kha an ngeihmi thil in a rak bawmtu hna, nu dang tampi kha an si.

LUKA 13:31

Cu lioah cun Farasi mi tlawmpal kha Jesuh sinah khan an ra i, “Herod nih thah an duh caah hika hin na chuah a hau,” tiah an chimh.

LUKA 23:7

Jesuh cu Herod nih a ukmi peng chungin a si ti kha a hngalh tikah amah cu Herod sinah cun a hei kuat; cu lioah cun Herod zong cu Jerusalem khua ah a um.

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

LAMKALTU 12:1

Hi caan lio hrawngah hin Siangpahrang Herod nih khrihfabu chungmi cheukhat kha a hrem hna.