MATTHAI 13:33 - Lai (Hakha) Common Language Bible 2006

³³ Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

Laibaibal Thiang (BSI)

³³ Tahchunhnâk dang a chimh ṭhân hna i, “Vanbawi pennâk cu nu pakhat nih thilnu â lâk i changvut relkhat thawhter ding i a phulhmi bantuk a si.

MATTHAI 13:33 Խաչաձեւ Հղումներ

GALATI 5:9

“Thilnu tlawmte nih changvut nawnmi cu a thawhter,” an ti tawn bang khan a si taktak hi ta.

LUKA 13:21

Minu nih thilnu aa lak i changvut rel khat chungah a phulh i cu thilnu nih cun changvut cu a thawhter dih. Cu thilnu bantuk cu a si,” tiah a ti.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

GENESIS 18:6

Abraham cu khulrang in thlam chungah khan a vung lut i Sarah cu a thawh i, “Khulrang in changvut na ngeihmi lak i a ṭha bik kha pawng sawm thum in i lak law nawng law changreu ah ser tuah,” a ti.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

FILIPI 1:9

Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a ṭha thleidan khawhnak fimnak he ṭhang seh law,

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

MARKA 13:20

Bawipa nih cu caan cu rak tawiter hlah seh law cu, khamhmi ahohmanh an um hnga lo. Sihmanhsehlaw a thimmi a mi hna caah cun, cu caan cu a tawiter.

MATTHAI 13:24

Jesuh nih tahchunhnak bia dang pakhat a chimh ṭhan hna. “Vancung Pennak cu a lo chung i thlaici ṭha a tuhmipa bantuk a si.

BIACEIHTU 6:19

Cucaah Gideon cu a inn chungah a vung lut i meheh fa pakhat le changvut ephah pakhat in sermi thilnu cawh lo changreu kha a timhlamh; sa cu bawm chungah a khumh i a hang cu um chungah a chiah i a sinah kuhthing toiah cun a rak put hna i a pekchanh.

1 SAMUEL 1:24

Cun hnuk a thlei dih in, kum thum a timi cawtum pakhat le changvut ephah pakhat le mitsur hang cua khat he tiah, amah sinah a hun i kalpi; Shiloh i Bawipa inn ah khan a ratpi; ngakchia cu a note ko.

2 SAMUEL 13:6

Cucaah Amnon cu a it i aa zawtter; cun amah zoh awkah siangpahrang nih a rat tikah, Amnon nih siangpahrang cu a thawh i, “Zaangfahnak tein ka farnu Tamar kha ra seh law, ka mit hmuh ah hin changreu hlum hnih in ka serpiak seh law, amah kut chung ta cu ka rak ei tuah lai,” tiah a ti.