MATTHAI 13:24 - Lai (Hakha) Common Language Bible 2006

²⁴ Jesuh nih tahchunhnak bia dang pakhat a chimh ṭhan hna. “Vancung Pennak cu a lo chung i thlaici ṭha a tuhmipa bantuk a si.

Laibaibal Thiang (BSI)

²⁴ Tahchunhnâk dang an sinah a chim ṭhân, “Vanbawi pennâk cu a lo i ciṭha a vorhtu bantuk a si.

MATTHAI 13:24 Խաչաձեւ Հղումներ

MATTHAI 25:1

“Cun Vancung Pennak cu hi bantuk hi a si lai, voi khat cu ngaknu pahra an um i nupi ṭhi tlangval kha don awkah an meiinn cio he an i thawh.

MATTHAI 20:1

“Vancung Pennak cu mitsur dum a ngei i zingkate in a dum chung i rianṭuantu ding kawl awkah aa thawhmipa he aa lo.

MATTHAI 13:47

“Vancung Pennak cu rili chung i chehmi sur, nga phun zakip a tlaitu bantuk a si.

MATTHAI 22:2

“Vancung Pennak cu, a fapa caah nupi ṭhit rawl danghnak a tuahtu siangpahrang he aa lo.

MATTHAI 13:37

Jesuh nih cun a leh hna i, “Thlaici ṭha a tuhtu cu Mi Fapa hi a si,

LUKA 13:20

Jesuh nih aa thawh ṭhan i, “Pathian Pennak cu zei he dah ka tahchunh lai?

LUKA 13:18

Jesuh nih aa thawh i, “Pathian Pennak hi zei he dah aa lawh? Zei he dah ka tahchunh khawh lai?

MATTHAI 13:33

Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

1 PETER 1:23

Pathian bia, a nungmi le zungzal in a hmunmi thawngin, hrintharmi nan si cang, thih a thiammi nu le pa fa si loin thih a thiam lomi pa fa nan si cang.

MATTHAI 13:31

Jesuh nih tahchunhnak bia a dang pakhat a chimh ṭhan hna. “Vancung Pennak cu mipa nih aa lak i a lo i a tuhmi anṭam ci bantuk a si.

MATTHAI 18:23

zeicahtiah Vancung Pennak cu hi bantuk hi a si: Siangpahrang pakhat nih a sal hna rian ṭuanning kha zoh aa tim.

MATTHAI 13:19

Lam hril i a tlami thlaici cu Vancung Pennak kong kha a theih cu a thei i a sullam a hngal ṭung lo mi kha an si. An chung i tuhmi thlaici cu Mi Ṭhalopa nih khan a chuah dih.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 21:33

Jesuh nih cun a thawh ṭhan hna i, “Tahchunhnak bia pakhat in ngai rih tuah u: Lo ngeitupa pakhat a rak um i mitsur dum pakhat a rak ser; hau in a kulh, mitsur nennak caah khor a cawh i parthlam pakhat a sak. Cun a lo cu a ṭuantu hna sinah khan a hlanh i amah cu khualtlawn ah aa thawh.

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

EZEKIEL 17:2

“Mipa, Israel mi cu tahchunhnak bia le tuanbia in chim hna,” a ka ti.

ISAIAH 28:13

Cu ruangah cun pei Bawipa nih a cafang tete in, a tlang a tlang in, cawn awk timi a bu a bu in an cawnpiak hna lai cu a si cu. Cun nannih cu nan kal tikah nan ril lengmang ko lai. Hma nan ing lai, rap in foih nan si lai i sal ah tlaih nan si lai.

ISAIAH 28:10

Amah nih cun a cafang tete in, a tlang a tlang in, cawn awk timi a bu a bu in cawnpiak a hei kan zalh,” an ka ti.

MATTHAI 13:25

Zan khat cu ral pakhat kha a ra i mi an i hngilh karah rawl ci lakah cun belh ci a vorh i lo diam in a kal.