MATTHAI 12:50 - Lai (Hakha) Common Language Bible 2006

⁵⁰ Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

Laibaibal Thiang (BSI)

⁵⁰ Zeitintiah mizei pauh van i ka Pa duhnâk a tuahtu pauh cu ka unau pa, kafar le kanu an si,” tiah a ti.

MATTHAI 12:50 Խաչաձեւ Հղումներ

LUKA 8:21

Annih cu Jesuh nih, “Ka nu le ka naule cu maw — ka nu le ka naule cu Pathian bia kha a thei i an theih bantukin a tuahmi paoh kha an si ko,” tiah a leh hna.

MARKA 3:35

Zeicahtiah Pathian nih tuah hna seh, tiah, a duhmi thil a tuahmi paoh cu ka nau, ka far le ka nu an si,” tiah a ti.

JOHAN 15:14

Kan fialmi hna nan tuah ahcun nannih cu ka hawile nan si.

JOHAN 6:29

Jesuh nih cun a leh hna i, “Pathian nih tuah hna seh ti an duhmi hna rian cu hihi a si: a thlahmi zumh hi,” tiah a ti hna.

MATTHAI 28:10

Jesuh nih cun, “Nan thinphang hlah u; ka unau pawl kha, Galilee ah va kal u, tiah va chim hna u, khika ah an ka hmuh lai,” tiah a ti hna.

ROM 8:29

Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

1JOHAN 2:17

Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

1TIMOTE 5:2

a tar deuhmi nu kha na nu bantuk ah rel hna law a no deuhmi nu kha thiannak in na far ah rel hna.

1 PETER 4:2

Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u.

GALATI 6:15

Cuarpartan le tan lo cu biapi a si lo, biapi a simi cu, ser tharmi si hi a si.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

SALM 22:22

Na tuahmi kha ka mi cu ka chimh hna lai, an i pumhnak ah kan thangṭhat lai.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

1 KORIN 9:5

Lamkaltu dang hna le kan Bawipa naule hna le Peter nih, khualtlawnnak ah an nupile kha an i ṭhit hna bantukin kei zong nih Khrihfa nupi kaa tlawnpi ve awk a si lo maw?

SOLOMON HLA 4:12

Aanka tiam cia le maw ka dawt cu Cerhti put le kulh dum tikhor bang.

MATTHAI 12:49

a zultu kha a hei sawh hna i, “Zohhmanh u, hi hna hi ka nu le ka naule cu an si!

MATTHAI 13:1

Cu ni ṭhiamṭhiam ah cun Jesuh cu inn cun a chuak i rili kamah khan a va kal i a ṭhu i a cawnpiak hna.