MATTHAI 12:35 - Lai (Hakha) Common Language Bible 2006

³⁵ Miṭha nih cun thil ṭha aa khonmi chung khan thil ṭha a chuah hna i miṭhalo nih cun thil ṭhalo aa khonmi chung khan thil ṭhalo a chuah hna.

Laibaibal Thiang (BSI)

³⁵ Miṭha nih cun a ro bawm chung i thilṭha a chuahter tawn i mi ṭhalo nih â khawnmi thilṭha lo kha a chuahter tawn.

MATTHAI 12:35 Խաչաձեւ Հղումներ

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

PHUNGTHLÛKBIA 15:28

Miṭha nih cun bialehnak an tuah hlanah an ruah hmasa, miṭhalo nih cun khulrang in an leh, sihmanhsehlaw an lehnak nih cun harnak a chuahter.

PHUNGTHLÛKBIA 15:4

Bia nem cu nunnak thingkung a si, sihmanhsehlaw ṭhat lonak a tuahtu lei nih lungthin kha a khuai tawn.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

PHUNGTHLÛKBIA 15:23

Mipa nih a lehnak kha a lunghmuih ko lai, sihmanhsehlaw a caan he ahmaanmi bia fang khat cu zeitluk in dah a ṭhat deuh!

PHUNGTHLÛKBIA 12:6

Miṭhalo hna bia nih cun thisen chuah ding kha a bawh, sihmanhsehlaw miṭha hna bia nih cun khamhnak kha a umter.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 7:17

A ngan a dammi thingkung nih thei ṭha a tlai i kung chia nih thei ṭhalo a tlai tawn.

LUKA 6:45

Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

JOB 8:10

Annih nih nangmah cu an in cawnpiak in an in chim in, an hngalhnak cu an in chim hnga lo maw?