MATTHAI 11:24 - Lai (Hakha) Common Language Bible 2006

²⁴ Cucaah hihi philh hlah. Biaceih Ni ah cun Pathian nih Sodom khua cu nangmah nakin a zaangfah deuh lai,” a ti.

Laibaibal Thiang (BSI)

²⁴ Sihmanhsehlaw kan chimh, biaceih ni ah cun Sodom ram tuarmi nâk hmanh in na tuar ding cu a zualhma deuh lai.

MATTHAI 11:24 Խաչաձեւ Հղումներ

MATTHAI 10:15

Mah hihi philh hlah u: Biaceih Ni ah Pathian nih, cu khuami nakcun Sodom le Gomorrah khuami kha a zaangfah deuh hna lai,” tiah a ti.

MATTHAI 11:22

Cucaah hihi philh hlah u, Biaceih Ni ah cun Pathian nih Tair le Sidon khuami hna cu nanmah nakin a zaangfah deuh hna lai.

MARKA 6:11

Cun tluninn an in dawnh hna i nan bia an ngaih duh lo ahcun, cuka hmun cu nan kebeh va khawnhnawhtak u law va chuahtak u. Cucu an caah ralrin peknak a si lai,” a ti.

ṬAHNAK HLA 4:6

Ka mi hna dantatnak hi Sodom dantatnak nakin a chia deuh, Sodom khua cu chikkhatte ah hrawh a rak si caah Ahohmanh an ngaih a chia manh lo.

LUKA 10:12

Mah hihi kan chimh hna, Biaceih Ni ah cun hi khua nak hin Pathian nih Sodom khua kha a zaangfah deuh lai,” tiah a ti.

JEREMIAH 23:14

Jerusalem profet hna chungah thil fihnung bik pakhat ka hmuh: Va cungin pa aa duhmi an si i miziathiam an si, Ṭhat lonak a tuahmi hna kha thazang an pek hna i Cucaah ahohmanh nih an sualnak kha an mertak duh lo. A chung i a ummi vialte hna cu, Ka caah Sodom le Gomorrah bantuk an si ko.

EZEKIEL 16:48

Bawipa Pathian nih, na nau nu Sodom le a fale hna nih khan nangmah le na fale hna nih nan tuah bantuk hin cun an tuah bal lo, tiah ka nun bangin ka ti. Na naunu Sodom ṭhat lonak cu hihi a si:

MATTHAI 23:14

(Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Nuhmei kha nan hlen nan hlen hna i an inn kha nan chuh hna, cun zapi hmuh awkah thla kha sau pipi in nan i camter. Hi caah hin pei nan dantatnak kha a fah chinchin lai cu!)