MATTHAI 10:27 - Lai (Hakha) Common Language Bible 2006

²⁷ Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.

Laibaibal Thiang (BSI)

²⁷ Mui lak i kan chimhmi hna hi, chun ceu ah thanh u law, hna in nan theihmi kha inn cungah kai piin thanh u.

MATTHAI 10:27 Խաչաձեւ Հղումներ

LAMKALTU 5:20

“Va kal u law biakinn chungah khan va dir tuah u, cun mizapi kha hi nunnak thar kong kha va chim hna u,” tiah a ti hna.

JOHAN 16:13

Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

JOHAN 16:1

“Nan tluk sual nakhnga lo hi bia cu kan chimh hna.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

JOHAN 16:29

Cun a zultu nih khan an thawh i, “Atu cu tahchunhnak hmang lo tein fiang tein na kan chimh.

JOHAN 16:25

“Atu caan tiang cu tahchunhnak bia in kan cawnpiak lengmang hna, asinain ka Pa kong kha tahchunhnak hmang ti loin biapiang in kan chimh hna lai caan a phan lai.

LUKA 8:10

Jesuh nih a thawh hna i, “Pathian Pennak kong biathli hngalhnak cu nannih cu pek nan si cang; sihmanhsehlaw midang cu tahchunhnak bia lawngin chimh an si lai, cucaah cun an zoh len lai nain an hmu lai lo, an ngai len lai nain an hngal lai lo,” tiah a ti.

2 KORIN 3:12

Hi ruahchannak kan ngeih caah hin kan ral a ṭha ngam.

LAMKALTU 17:17

Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

ISAIAH 22:1

Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

MATTHAI 24:17

A inncung i a ummi cu a innchung i a ummi thilri lak awkah ṭum hlah seh.

LUKA 12:3

Cucaah mui lakah nan chimmi cu chun ceu ah theih an si lai, cun innka nan i khar khumhnak khaan chungah a thli tein nan chimmi cu inncung in aupi an si lai,” tiah a ti.