MATTHAI 10:26 - Lai (Hakha) Common Language Bible 2006

²⁶ “Cucaah mi cu va ṭih hna hlah u. Khuhmi thil paoh kha hun dih an si ko lai i biathli vialte kha hngalh dih an si ko lai.

Laibaibal Thiang (BSI)

²⁶ Cucaah annih cu ṭih hna hlah u; lang lo dingin chinhmi zeihmanh a um lo, hngalh lo dingin thuhmi zeihmanh a um lo.

MATTHAI 10:26 Խաչաձեւ Հղումներ

LUKA 8:17

Zeicahtiah thuhmi kha a lang lo dingmi zeihmanh a um lo i biathli zong hngalh lo dingmi le ceunak ah chuahpi lo dingmi zeihmanh a um lo.

JEREMIAH 1:8

Annih cu ahohmanh ṭih hna hlah. Zeicahtiah na sinah ka um i kan huhphenh lai”, tiah Bawipa nih a ti.”

MARKA 4:22

A ken i thuh a simi vialte kha a langhnak hmun ah chuahpi an si dih lai, a chin khuh a simi thil vialte kha hun an si dih lai.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

1 PETER 3:14

Cun a dingmi thil tuah ruangah temhnak nan in ahcun, nan caah lunglawmh awk a va si thiam dah! Minung kha ṭih hna hlah u, hmailei thil ruah ah nan khuaruah zong har fawn hlah u.

EZEKIEL 2:6

Sihmanhsehlaw mipa, annih cu ṭih hna hlah, an chimmi bia zong kha ṭih hlah, nangmah dohtu le miṭhalo si ko hna hmanh seh law ṭih hna hlah, tlangngaikuang cung i a ṭhumi bantuk si hmanh law, ṭih hna hlah. Ral thawh hmangmi si ko hna hmanh seh law an chimmi siseh, an muisam siseh, ṭih awk zeihmanh a um lo.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

LAMKALTU 4:19

Sihmanhsehlaw Peter le Johan nih khan an leh hna i, “Pathian mithmuh ah nanmah bia ngaih cu maw a ṭha deuh Pathian bia ngaih dah a ṭha deuh, ti cu nanmah nih ruat ko u.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 4:13

Biaceihtu hna nih Peter le Johan cu an ralṭhatning kha an hmuh i fimthiamnak zeihmanh a ngei lomi, mi sawhsawh an si ko ti kha an hngalh tikah an khuaruah a har. Khi tikah annih cu Jesuh hawikom an rak si ti kha an hun hngalh.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

PHUNGTHLÛKBIA 10:9

Ding tein a kalmi cu him tein a kal, sihmanhsehlaw a lam kha a ningcang loin a tuahmi cu a langh lai.

PHUNGCHIMTU 12:14

Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.