MARKA 9:4 - Lai (Hakha) Common Language Bible 2006

⁴ Cun zultu pathum hna nih cun Elijah le Moses kha Jesuh he bia an i ruah len ko cu an hmuh hna.

Laibaibal Thiang (BSI)

⁴ Cun Elijah kha Moses he an rung lang i Jesuh he bia an i ruah.

MARKA 9:4 Խաչաձեւ Հղումներ

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LUKA 9:19

“A cheu nih Tipilpetu Johan a si, an in ti. Cun a dang nih, Elijah a si, an in ti. Cun a dang nih hlanlio i a rak ummi profet pakhatkhat kha a nung ṭhan, an in ti,” tiah an ti.

MATTHAI 11:13

Johan caan tiang khan profet vialte hna le Moses phungbia nih vancung Pennak kong hi an chim;

MARKA 9:3

a thilpuan cu a tleu in an tleu i an rang ngaingai; cu tluk rang cun vawlei cung mi ahohmanh nih an su kho lai lo.

MARKA 9:5

Peter nih cun a hun thawh i Jesuh cu, “Saya, hika kan um hi thil ṭha a si. Deu pathum in kan sak lai, nang caah pakhat, Moses caah pakhat, Elijah caah pakhat,” tiah a ti.