MARKA 8:34 - Lai (Hakha) Common Language Bible 2006

³⁴ Cun Jesuh nih mizapi le a zultu hna kha a auh hna i, “Zulh a ka duhmi paoh cu mah zawn aa ruat lomi nan si lai. Cun nan vailamtahnak kha nan i put lai i nan ka zulh lai.

Laibaibal Thiang (BSI)

³⁴ Mizapi kha a lamkaltu hna he a sinah a kawh hna i “Zulh a ka duhmi pauh cu, amah i hlaw sehlaw, a vailam put in ka zul seh.

MARKA 8:34 Խաչաձեւ Հղումներ

MATTHAI 10:38

Ahohmanh a vailam tahnak kha aa put i ka hnu in a ka zul lomi cu ka mi si awk aa tlak lo.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

1 SIANGPAHRANG 14:8

David innchungkhar sinin pennak kha ka thleh i nangmah kha kan pek; asinain, ka nawlbia kha a ul hna i a lung dihlak in a ka zul i ka mithmuh ah a dingmi lawng a tuahtu ka sal David bantuk kha nang cu na si lo,

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

1JOHAN 3:16

Dawtnak hi zeidah a si ti kan hngalhning cu hitihin a si: Khrih nih kan caah a nunnak kha a hloh. Cucaah kannih zong nih kan unau hna caah kan nunnak cu kan hloh ve awk a si.

NAMBAR 14:24

Sihmanhsehlaw ka sal Kaleb cu lungthin dang a ngei i tling tein a ka zulh caah, a va kalnak ram ah khan ka luhpi lai i a tefa hna nih an co lai.

MATTHAI 16:24

Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

FILIPI 3:10

Ka duhmi cu amah Khrih hngalh le a thawhṭhan ṭhawnnak hmuh ve le temhinnak a inmi in ve le amah thih bantukin thih ve lawng hi a si cang,

ROM 8:17

Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

LUKA 9:23

Cun annih cu an dihlak in a thawh hna i: “Ahohmanh nih zulh nan ka duh ahcun mah zawnruahnak kha nan ngol lai i ni fa tein nan vailam kha nan i put lai i nan ka zulh lai.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

FILIPI 3:7

Sihmanhsehlaw cu thil vialte, ka ca i miaknak ah rel khawhmi hna cu, Khrih ruangah sungh ah ka rel dih hna.

1 PETER 4:1

Khrih zong nih khan a pum in a rak in caah nannih zong nih cu bantuk thinlung le lungput cun nan tha nan i ṭhawnter ve awk a si. Cu bantukin temhinnak a ingmi hna cu sualnak chungah khan an i tel ti lo.

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

1 KORIN 15:31

Ka u le ka nau hna, nifate in pei ka thih deng lengmang ko hi. Ka u le ka nau hna, nanmah cu kan Bawipa Khrih Jesuh chungah kaa porhlawtmi nan si caah hitihin bia ka chim hi a si.

ROM 6:6

Kan minung hlun cu Khrih he vailam cungah thah a si cang ti kha kan hngalh. A sualmi kan minung hlun cu zeicahdah thah a si ti ahcun, sualnak sal kan si tinak hnga lo caah a si.

LUKA 14:33

Cu bantuk ṭhiamṭhiam in nannih zong, nan ngeihmi vialte kha nan hlawt dih lo ahcun, ka zultu nan si kho lai lo,” tiah a ti hna.

2 PETER 1:14

Kan Bawipa Jesuh Khrih nih fiang tein a kan chimh bantukin, hi a thi khomi pum hi cu, tuan ah kaa phoih ko lai.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

TITAS 2:12

Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

LUKA 13:24

Jesuh nih a leh hna i, “Kutka bi chung khan lanh i zuam ko u, zeicahtiah hihi kan chimh hna: mi tampi cu luh an i zuam lai nain an lut kho lai lo.

MATTHAI 27:32

Cun lam ah khan Sairin khuami Simon kha an ton i a vailam tahnak thing kha hramhram in an putter.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

HEBRU 13:13

Cucaah cun amah sinah khan riah hmun lengah cun kal u si law a inmi ningzahnak kha va ing ve u sih.

2 THESALON 3:11

Hiti kan rak in chimh hna cu, nanmah lakah a tha a thumi, zeidang zeihmanh ṭuan zuam loin midang hnahnawh lurit a pe men in a ummi an um ti kan theih caah khan a si.

1 KORIN 9:19

Kei cu miluat ka si, aho sal hmanh ka si lo, asinain mi tam deuh ka lak khawh hna nakhnga ti in mi kip sal ah kaa ser.

1 KORIN 8:13

Cucaah rawl nih ka unau kha a sualter nakcha cun sa zeihmanh ka ei ti lai lo, ka unaupa ca i tluknak a chuahtertu si cu ka duh lo.

JOHAN 19:17

A vailamtahnak kha amah nih aa put i “Luruh Hmun” an timi kha an phan. (Hebru holh cun Golgotha an ti).

LUKA 20:45

Mizapi nih cun an dihlak in an ngaih ko lioah khan Jesuh nih a zultu kha a thawh hna i,

MARKA 10:21

Dawtnak lungthin he Jesuh nih dengteo in a vun zoh i, “Pakhat lawnglawng na bau, va kal law na ngeihmi thil vialte kha va zuar law tangka cu sifakmi kha va ṭhen hna, cun vancung ah rothil na ngei lai; cun ra law ka zul,” tiah a ti.

MARKA 7:14

Cun Jesuh nih mizapi kha a auh ṭhan hna i, “Nan dihlak in ka bia hi ngai u law hngal tuah u.