MARKA 6:48 - Lai (Hakha) Common Language Bible 2006

⁴⁸ Thli kha anmah lei hoih in a hran caah a zultu hna nih khan an lawng zah cu an i harh ngai, ti kha a hei hmuh hna. Cucaah zinglei suimilam pathum le paruk kar hrawngah khin an sinah ti cung cun a ra i lonh hnek khi a zalh hna.

Laibaibal Thiang (BSI)

⁴⁸ Cu cân ah thli nih an tilawng cu anmah lei hoih in a nam hna ruangah an buaining kha a va hmuh hna. Zinglei suimilâm pathum hrawngah tidil cungah ke in an umnâk lei kha a panh i lanhtâk a timh hna.

MARKA 6:48 Խաչաձեւ Հղումներ

LUKA 24:28

An kalnak ding khua cu an hei phan deng i cu tikah Jesuh nih cun hmailei i a kal rih lai bantuk khin aa umter;

LUKA 12:38

Zanṭim i a ra ṭin a si ah, cu nak tlai deuh i a ra ṭin a si zongah, timhcia tein an um kha a ra hmuh hna cu, an caah zeitluk lawmh awk dah a si.

JOB 9:8

Amah nih van cu a samh hna i rili tilet hna cu a lamh hna.

JOHAN 1:13

Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

MATTHAI 14:24

lawng cu rili cungah khan hlat nawn a phan cang i thli kha hmaitonh in a hran caah tilet nih khan a hlawh len ko.

ISAIAH 54:11

Bawipa nih aa thawh i, “Maw Jerusalem, nang cu harnak na ing i bawmtu na ngei lo, ahohmanh hnemtu na ngei lo. Asinain na hram cu lungvar man sung in ka ser ṭhan hna lai.

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

SALM 93:4

Bawipa cu vancung ah khin uktu ngan bik a si, rilipi aw thawng nakin a ngan deuh rili tilet nakin a ṭhawng deuh.

1 SAMUEL 11:11

Cun a thaizing ah Saul nih mi kha phu thum ah a ṭhen hna i zinglei ven caan ah khin riahhmun chungah khan an lut i chun ni linh tiang Ammon mi kha an sam hna, cun a nung rihmi cu an i ṭhek dih i cucaah pahnih in a um ṭimi an um lo.

GENESIS 32:26

Mipa nih cun, “Ka thlah, khua a dei deng cang,” a ti. Sihmanhsehlaw Jakob nih cun, “Thluachuahnak na ka pek lo ahcun kan thlah bal lai lo,” tiah a leh.

GENESIS 19:2

“Ka bawipale hna, nan salpa inn ah ra lut tuah u law ka tlung tuah u. Nan ke kha i ṭawl u law tuzan cu riak u. Thaizing ah nan tho lai i nan kal duhnak ah cun nan kal chin te lai,” a ti hna. Sihmanhsehlaw annih nih, “A si lo, khualai ah hin kan riak ko lai,” tiah an leh.

EXODUS 14:24

Khuadei laite ah khin Bawipa nih cun minmei tom le mei tom chung khan Izipt mi kha a vun zoh hna i a tuaiter dih hna.

MATTHAI 24:43

Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo.

MARKA 6:47

Khua a muih tikah lawng cu rili laifang kha a phan i Jesuh tu cu amahte lawngin tlang ah khan a um ko.

MARKA 6:49

Sihmanhsehlaw ti cung i a kal cu

MARKA 13:35

Inn ngeitu kha zeitik i a kir lai nan hngalh lo caah ṭha tein hngak ko u. Zanlei ah a si kho, zanṭim ah a si kho, khuadei hlanah a si kho, nichuak ah a si kho.