MARKA 6:21 - Lai (Hakha) Common Language Bible 2006

²¹ A hmanung bik ah Herodias nih caan rem kha a hmuh. Cu caan cu Herod chuah ni ah khan a si i Herod nih cun uknak lei a tlaitu bawi vialte hna le ralkap lei bawi hna le Galilee ram upa hna caah khan puai a tuah.

Laibaibal Thiang (BSI)

²¹ Cuticun Herod chuah ni a phâk tikah a mi lianngan le, bawi hna le, Galili ram mirum hna rawl a dangh hna lioah cân rem a rak um.

MARKA 6:21 Խաչաձեւ Հղումներ

ESTHER 2:18

Cun siangpahrang nih a bawi pawl le a sinum pawl vialte hna caah khan rawl danghnak nganpi a ser, cucu Esther rawldanghnak a si. Cun a pengmi hna kha ngunkhuai ngaihthiamnak a pek hna i siangpahrang nunsiannak he aa tlakning in laksawng a ṭhenh hna.

GENESIS 40:20

A ni thum ni ah cun Faro chuah ni kha a hung si, a bawi vialte hna caah rawl danghnak pakhat a ser i a zu bawi le a changreu sertu upa bik kha a bawi vialte hna hmaiah cun a chuahter hna.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.

LUKA 3:1

Siangpahrang Tiberius kha a bawi kum, kum hleinganak kum a si, Pontius Pilat kha Judah ram mangki a si, Herod kha Galilee uktu a si i a nau Filip cu Iturea le Trakhonitis peng uktu a si; Lisanias cu Abilen uktu a si i

HOSEA 7:5

An siangpahrang puai ni ah bawi pawl cu zu an ri dih i Miruamkai rual hna sinah cun amah zong cu aa tel ve.

ESTHER 3:7

Thla khatnak thla, cucu Nisan thla a si, Siangpahrang Ahasuerus a bawi kum hleihnihnak ah Haman hmaiah khan camcawh fung Pur timi kha an zuk; cun thla khat hnu thla khat in a thla hleihnihnak Adar thla tiang camcawhfung cu an zuk lengmang.

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

LAMKALTU 25:23

A thaizing ah Agrippa le Bernis cu sunparnak le rumra ngei ngaiin an ra i ralbawi upapa hna le khuachung mi lak i upa deuhdeuh hna he khan pumhnak ah khan khaan chungah cun an ra lut. Festas nih khan nawl a hei pek hna i Paul kha an run luhpi ve.