MARKA 4:36 - Lai (Hakha) Common Language Bible 2006

³⁶ Cucaah mizapi kha an kaltak hna. Jesuh a rak ṭhutnak lawng chungah khan an lut i Jesuh cu an kalpi. Cuka ah cun lawng dang zong kha an um ve.

Laibaibal Thiang (BSI)

³⁶ Cuticun mizapi kha kaltâk in, Amah cu a umnâk hmun in tilawng in an kalpi. Tilawng dang zong an um ve.

MARKA 4:36 Խաչաձեւ Հղումներ

MARKA 4:1

Jesuh nih Galilee Rili kamah khan a cawnpiak ṭhan hna. A velchum i aa pummi cu an tam tuk caah lawng chungah khan a lut i a ṭhu. Lawng cu ticung pi ah khan a va um i mi cu tikam ah cun ti ri le ri lo tiang khan an um.

MARKA 3:9

Mi cu an tam tuk hringhran i an ka naan sual lai ti kha a phan caah Jesuh nih cun a zultu hna kha lawng pakhat in ka timhpiak tuah u tiah a ti hna.

MARKA 5:2

Jesuh cu lawng chungin a chuah cangka khan, mithi an vui hnanak lungkua i a um tawnmi mipa pakhat nih a rak ton.

MARKA 5:21

Jesuh cu Rili khattelei ral ah khan a ra kir than. Rilikam ah cun mi tampi nih a zual in an zual.

MATTHAI 8:23

Jesuh cu lawng chungah cun a lut i a zultu nih khan an zulh.

MARKA 4:37

Cun thlichia a tho ciammam i tilet cu lawng chungah khan an lut cuahmah ko i an lawng cu ti kha a khat dengmang.

MARKA 6:32

Cucaah anmah lawng cun hmunking i kal awkah an i thawh.

LUKA 8:22

Ni khat cu Jesuh kha a zultu hna he lawng chungah an lut i annih cu a thawh hna i, “Tili khattelei ral ah khin va kal u sih,” tiah a ti hna. Cucaah an i thawh.