MARKA 15:26 - Lai (Hakha) Common Language Bible 2006

²⁶ Sual an phawtnak ca cu, “Judah mi hna Siangpahrang,” tiah an ṭial.

Laibaibal Thiang (BSI)

²⁶ Sual an phawtnâk câ kha a lu cungah, “JUDAH SIANGPAHRANG” tiah an tar.

MARKA 15:26 Խաչաձեւ Հղումներ

MATTHAI 27:37

A lu cungah cun sual an phawtnak bia an ṭialmi kha an benh. Cu bia cu: “Hihi Jesuh, Judah Siangpahrang cu a si,” ti hi a si.

MATTHAI 2:2

“Judah siangpahrang a si lai dingmi ngakchia a chuakmi cu khuazei ah dah a um? A arfi nichuahlei in a chuah kha kan hmuh i amah biak awkah cun atu hi kan ra,” an ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MARKA 15:2

Pilat nih, “Judah mi siangpahrang cu na si maw?” tiah a hal. Jesuh nih, “Na chim bangin ka si,” tiah a leh.

ISAIAH 10:7

Sihmanhsehlaw Assiria siangpa-hrang nih hin a lungchung tein amahte in aa tinhmi thil pakhat, a puarṭhawng ngaimi a ngei. Miphun tampi hrawh hrimhrim kha aa tim.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

MARKA 15:27

Jesuh sinah cun a orhlei kamah pakhat, a kehlei kamah pakhat, mifir pahnih an tah ve hna.

MARKA 15:32

Israel mi siangpahrang Messiah cu, atu hrimhrim ah hin vailam tahnak cung hin rung ṭum seh law pei kan hmuh hnga i kan zumh khawh hnga cu!” an ti. Cun a sin i vailam an tahmi pahnih hna zong nih khan an nihsawh ve.