MARKA 14:61 - Lai (Hakha) Common Language Bible 2006

⁶¹ Sihmanhsehlaw Jesuh cu dai tein a um ko i zeihmanh a let lo. Cun Tlangbawi Ngan nih cun, “A Liannganmi Pathian Fapa Messiah cu na si maw?” tiah a hal ṭhan.

Laibaibal Thiang (BSI)

⁶¹ Anih cu dai tein a um, kâ khat hmanh in a let lo. Tlângbawi nganbik nih, “Krih, Thangṭhat tlak Fapa cu na si maw?” tiah a hal.

MARKA 14:61 Խաչաձեւ Հղումներ

MARKA 15:2

Pilat nih, “Judah mi siangpahrang cu na si maw?” tiah a hal. Jesuh nih, “Na chim bangin ka si,” tiah a leh.

ISAIAH 53:7

Fak piin an hrem, a si nain dai tein aa in ko; bia kaa khat hmanh a chim lo. Thah awkah an kalpimi tuufa bantuk le a hmul meh awkah an hruaimi tuu bantukin, awn au lo tein a um.

JOHAN 19:7

Judah mi nih cun, “Amah nih Pathian Fapa ka si tiah a ti caah kan phung bantukin thih awk a si,” an ti.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

JOHAN 10:36

Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

JOHAN 1:34

Cucu keimah hrimhrim nih ka hmuh i tehte ka khaan. Amah hi Pathian Fapa cu a si ko,” tiah a ti.

MATTHAI 16:16

Simon Peter nih a leh i, “A Nungmi Pathian Fapa, Messiah kha na si,” tiah a ti.

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

SALM 119:12

Bawipa, nangmah cu kan ṭhangṭhat, na phunglam cu ka cawnpiak ko hna.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

SALM 2:7

“Bawipa nih a chimmi cu ka thanh lai,” tiah siangpahrang nih a ti. Cu a chimmi cu hihi a si: “Bawipa nih a ka thawh i, ‘Nangmah cu ka fapa na si, nihin ni ah hin kan hrin.

1TIMOTE 6:15

Cu Ni cu Pathian nih a caan a rem a ti tikah a tlunter ko lai; zeicahtiah Pathian lawnglawng cu thangṭhat awk tlak Uktu le siangpahrang hna Siangpahrang le bawi vialte hna Bawi a si.

1TIMOTE 1:11

Ahmaanmi cawnpiaknak cu thanh fial ka simi Thawngṭha chungah khan a um i cu Thawngṭha cu sunparnak le thangṭhatnak in a khatmi Pathian sinin a rami kha a si.

LAMKALTU 8:32

A rak rel lengmangmi caang cu hihi a si: “Amah cu thah awkah hruaimi tuu bantuk a si, amah cu a hmul an meh tikah a awn-au lomi tuufa bantuk a si; bia kaa khat hmanh chim lo tein a um ko.

JOHAN 19:9

Inn chungah a vung lut ṭhan i Jesuh cu, “Khuazei in dah na rat?” tiah a hal. Sihmanhsehlaw Jesuh nih a let lo.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

JOHAN 10:24

Judah mi nih khan an fuh i, “Zei can dah lungawṭawm in na kan chiah lai? Biafiang kan chim: Messiah cu na si maw?” an ti.

MARKA 14:60

An dihlak hmaiah cun Tlangbawi Ngan cu a dir i, “Sual an in phawtmi cu a lehnak zei tal na ngei lo maw?” tiah Jesuh cu a hal.