MARKA 14:55 - Lai (Hakha) Common Language Bible 2006

⁵⁵ Tlangbawi upa hna le biaceihtu hna nih cun Jesuh cu thihnak daan pek khawhnak ding caah a sual kawl an i zuam, sihmanhsehlaw zeihmanh an hmu kho lo.

Laibaibal Thiang (BSI)

⁵⁵ Cubangin tlângbawi hna le biaceihtu vialte nih Jesuh thahnâk dingah a sualnâk an kawl, asinain a sualnâk an hmu kho lo.

MARKA 14:55 Խաչաձեւ Հղումներ

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

SALM 35:11

Miṭhalo nih sual an ka phawt i ka hngalh hrimhrim lomi sualnak kha an ka puh.

SALM 27:12

Lih le hro in a ka tlerh lengmangmi ka ral hna lakah hin ka chia ta hlah.

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

1 SIANGPAHRANG 21:10

cun mi ṭhiṭhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a ṭial.

MARKA 14:56

Tehte tampi nih Jesuh kong ah khan lih an chim len cio, sihmanhsehlaw an bia kha an i kheng kho lo.

JOHAN 18:19

Tlangbawi Ngan nih khan Jesuh cu a zultu hna kong le a cawnpiaknak kong kha a hal.

JOHAN 18:21

Cucaah zeicahdah keimah cu na ka hal? Ka bia a theimi kha ta na hal ko hna. Anmah kha ka chimhmi hna cu hal ko hna — ka chimmi cu an hngalh ko khah,” tiah a ti.