MARKA 13:11 - Lai (Hakha) Common Language Bible 2006

¹¹ Cun an in tlaih hna i zung i an in chuahpi hna tikah, zeidah kan chim lai, tiah a hlankan in nan lungre rak thei hlah u; a caan a phak tikah chim awk ding cu pek nan si te ko lai, cucu chim te ko u. Zeicahtiah nan chimmi bia cu nanmah bia a si lai lo, Thiang Thlarau nih an pekmi hna bia a si lai.

Laibaibal Thiang (BSI)

¹¹ Tlaih nan si i biaceihnâk i chuahpi nan si tikah, zeidah ka chim lai tiah, ruat hmasa hlah u. A cân teah chim awk kha pêk nan si ko lai, a chimtu cu nanmah si loin, Thiang Thlarau a si lai.

MARKA 13:11 Խաչաձեւ Հղումներ

LAMKALTU 6:10

Sihmanhsehlaw Thlarau nih Steven cu fimnak kha a pek caah bia a chim tikah an tei kho lo.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

1 KORIN 2:13

Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

EFESA 3:5

Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

LAMKALTU 2:4

Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

2 SAMUEL 23:2

“Bawipa thlarau nih keimah kha hmang in a chim, Amah bia cu ka lei cungah a um.

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

MATTHAI 10:17

An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

LAMKALTU 7:55

Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh.

LAMKALTU 6:15

Khawngsil chung i a ṭhumi vialte hna nih khan Steven cu dengteo in an zoh i a hmai cu vancungmi hmai bantuk a si kha an hmuh.

MARKA 13:12

U le nau kha thihnak phak tiangin an i rawi lai, pale nih an fale kha cu bantuk cun an tuah hna lai i an fale zong nih an nule an pale kha an doh hna lai i thahnak an inter hna lai.

LUKA 21:12

“Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai.