MARKA 12:37 - Lai (Hakha) Common Language Bible 2006

³⁷ David hrimhrim nih Messiah cu ‘Bawipa’ tiah a ti ahcun, zeitindah David hrinsor cu a si khawh lai?” tiah a ti hna. Mizapi nih cun Jesuh bia cu lunglawm ngaiin an ngaih.

Laibaibal Thiang (BSI)

³⁷ Amah David hmanh nih, ‘Bawipa’ tiah a kawh ahcun, zeitindah a fapa cu a si khawh? Mizapi le zatlâng hna nih lunglawm ngaiin a chimmi kha an ngaih tawn.

MARKA 12:37 Խաչաձեւ Հղումներ

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

JOHAN 12:9

Judah mi mi tampi nih Jesuh cu Bethani khua ah a um ti kha an theih caah an va kal. Jesuh a um ruang lawngah khan si loin thihnak in a thawhmi Lazaruh va zoh duh zongah khan a si pah.

LUKA 21:38

Mi vialte cu amah bia ngaih awkah khan Biakinn ah khan zingka tein an kal tawn.

LUKA 19:48

sihmanhsehlaw mi vialte nih khan a bia cu an ngaih i pakhat hrelh hmanh kha an duh lo caah annih nih cu tuahnak ding caah cun lam an hmu kho lo.

MATTHAI 21:46

cucaah tlaih kha an i zuam. Asinain mizapi nih khan Jesuh cu profet a si tiah an zumh caah an ṭih hna.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 21:45

Tlangbawi upa pawl le Farasi mi hna nih khan Jesuh chimmi tahchunhnak bia cu an theih i kanmah a kan tihnawhchan ti kha an hngalh;