MARKA 12:36 - Lai (Hakha) Common Language Bible 2006

³⁶ Thiang Thlarau nih pei David cu: Bawipa nih ka Bawipa cu, Na ral hna kha na ke tangah ka chiah hna hlantiang ka orhlei kamah hin ṭhu ko, tiah a chimter cu.

Laibaibal Thiang (BSI)

³⁶ Zeitintiah David hrimhrim nih Thiang Thlarau thawngin, ‘BAWIPA nih ka Bawipa sinah, “Na ral hna na ke tangah ka chiah hlan tiang ka orhlei ah ṭhu,” tiah a rak ti.

MARKA 12:36 Խաչաձեւ Հղումներ

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

HEBRU 1:13

Pathian nih a vancungmi kha, “Na ral cu na ke tangah ka chiah hna hlan tiang, Ka orhlei kamah hin ṭhu tuah,” tiah ahohmanh a ti bal hna lo.

1 KORIN 15:25

Pathian nih ral vialte cu a tei dih hna i a ke tangah a chiah hna hlantiang Khrih nih cun a uk hna lai.

LAMKALTU 1:16

“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa ṭialmi kha a tlin awk a herh.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

2 SAMUEL 23:2

“Bawipa thlarau nih keimah kha hmang in a chim, Amah bia cu ka lei cungah a um.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

1 PETER 1:11

Zeitik ah dah cu caan cu a si lai ti le zeitindah cu caan cu a rat lai ti kha kawl an rak i zuam i atu caan hi an chungah a ummi Khrih Thlarau nih a rak sawhmi caan cu a si. Thlarau nih cun Khrih nih a in laimi temhinnak le temhnak a in ruangah a hmuh laimi sunparnak kha a rak chimchung cang.

HEBRU 4:7

Cu hnu kum tampi ah kan chim cangmi, “Nihin cu Pathian aw kha nan theih ahcun, lungkhong in um hlah u,” timi bia kha David kaa in a chim ṭhan.

2TIMOTE 3:16

Cathiang hi a dihlak in Pathian thaw chuahhnawhmi a si i biatak cawnpiaknak caah le palhnak cawnpiaknak alnak caah le palhmi remhnak caah le ding tein nunnak ding cawnpiaknak caah a ṭhahnemmi a si.

LAMKALTU 28:25

Paul nih hi thil pakhat hi a chim hnuah anmah lakah khan lung i rual lo ngaiin an ṭian. Cu a chimmi cu hihi a si: “Thiang Thlarau nih profet Isaiah thawngin nan pupa hna sinah a chimmi bia cu a va hmaan thiam dah.

MATTHAI 5:35

vawlei chalh zongin chiatser hlah u, zeicahtiah vawlei cu Pathian ke chiahnak a si; Jerusalem khua chalh zongin chiatser hlah u, zeicahtiah Jerusalem khua cu Siangpahrang ngan khua a si.