MARKA 12:33 - Lai (Hakha) Common Language Bible 2006

³³ Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh,” tiah a ti.

Laibaibal Thiang (BSI)

³³ Lungthin dihlak, hngalhnâk dihlak, thlarau dihlak le ṭhawnnâk dihlak i Amah dawt le, mah i dawt bang i innpa dawt cu pêkchanhnâk le pum khangh thawinâk nâkin a ṭha deuh,” tiah a ti.

MARKA 12:33 Խաչաձեւ Հղումներ

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.

MATTHAI 12:7

Cathiang nih, ‘Ka duhmi cu sa in tuahmi thawinak hi si loin zaangfahnak a si,’ tiah a timi kha a sullam rak hngal u law cu, a sual lomi kha sual nan phaw hna hnga lo;

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

HEBRU 10:8

A hmasa bik ah, “Raithawinak siseh, pekchanhmi thil siseh, biakṭheng cungah khanghmi saram si hna seh, sual thianhnak caah tuahmi raithawinak si hna seh, na duhmi an si lo i na lawmhmi zong an si lo,” a ti. Hi raithawinak vialte hi Nawlbia ningin tuah an si ko nain hitihin a ti.

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.