MARKA 10:38 - Lai (Hakha) Common Language Bible 2006

³⁸ Jesuh nih cun a thawh hna i, “Nan ka halmi hi nan hngal lo. Ka din dingmi hrai hi nan din khawh lai maw? Tipil ka in ding ning hin nan in khawh ve lai maw?” tiah a ti.

Laibaibal Thiang (BSI)

³⁸ Jesuh nih, “Nan halmi hi nan hngal lo. Ka dinmi hrai nan ding kho lai maw? Ka in ding Baptisma nan ing kho lai maw?” tiah a ti.

MARKA 10:38 Խաչաձեւ Հղումներ

LUKA 12:50

Tipil in awk pakhat ka ngei i cucu a dih hlanah cun ka lungre a va thei dah.

JOHAN 18:11

Jesuh nih Peter cu a thawh i, “Na nam kha a kawng ah sawh ṭhan. Ka Pa nih a ka pekmi hrai, nganfah innak hrai cu ding loin a um hnga ti ah maw na ka ruah?” tiah a ti.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

SALM 75:8

Bawipa nih a kut in hrai pakhat aa put, cu hrai cu zu hrim, a ṭhawng ngaingaimi in a khat, a thlet i miṭhalo vialte kha a dinter hna, a ne zongin an khawn dih.

JEIM 4:3

Cun nan hal tikah nan hmu kho lo, zeicahtiah nan i tinhmi kha a ṭha lo; nanmah nuamhnak ca lawng i hman awkah khan thil cu nan hal.

ROM 8:26

Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

LUKA 22:42

“Ka Pa, na hna a tlak ahcun hi hrai hi ka ṭhialpiak ko. Sihmanhsehlaw keimah nawl si loin nangmah nawl si ko seh,” tiah a ti. (

MARKA 14:36

“Ka Pa, ka Pa, nangmah nih cun zeizong vialte na tuah khawh dih ko. Hi hrai hi ka lakpiak ko. Sihmanhsehlaw keimah duhnak bantuk cun si hlah seh, nangmah duhnak bantukin si ko seh,” tiah a ti.

MATTHAI 26:39

Hmailei ah khin tlawmpal a va kal i vawlei ah a bawk i, “Ka Pa, a si khawh ahcun hi hrai hi ka ṭhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh,” tiah thla a cam.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

1 SIANGPAHRANG 2:22

Solomon Siangpahrang nih a nu cu a leh i, “A si ah, zeicahdah Shunam mi Abishag cu Adonijah caah na ka hal? Amah caah pennak zong hi halpiak ngat? Zeitintiah amah cu ka u pei a si i amah leiah tlangbawi Abiathar le Zeruiah fapa Joab kha an ṭan cu,” tiah a ti.

JEREMIAH 25:15

Hi bangin Bawipa, Israel Pathian nih ka sinah a ti: “Hi thinhunnak mitsur hang hrai hi ka kut in i lak law, va kal, tiah kan fialnak miphun vialte cu va dinter hna.

MATTHAI 3:6

an sualnak kha an i phuang i Jordan tiva ah khan tipilnak a pek hna.