MALAKHI 3:16 - Lai (Hakha) Common Language Bible 2006

¹⁶ Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

MALAKHI 3:16 Խաչաձեւ Հղումներ

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

SALM 56:8

Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na ṭial hna a si lo mei?

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

1THESALON 5:11

Cucaah cun atu i nan tuah lengmang bantuk hin pakhat le pakhat thazang i pe u law i bawm u.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

ISAIAH 26:3

Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

SALM 34:15

A dingmi cu Bawipa nih a zohkhenh hna i an aunak kha a theih;

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

LAMKALTU 1:13

Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunṭanh Simon le Jeim fapa Judas an si.

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.

LUKA 2:38

Amah zong cu, cu caan te ah cun a ra ve i Pathian cu a thangṭhat i Pathian nih Jerusalem cu a tlanh ṭhan lai tiah a hngakmi vialte hna sinah khan ngakchiapa kong kha a chim.

ESTHER 6:1

Cu zan cu siangpahrang cu aa hngilh kho lo; cun hngalh camcin awk a tlakmi thil ṭialnak cauk, chanrelnak hna kha rak pu u, tiah nawl a pek hna i siangpahrang hmaiah cun an rel.

LAMKALTU 2:1

Pentekos ni kha a phak tikah zumtu vialte cu hmunkhat ah an i pum.

ISAIAH 65:6

“Dan ka tat hna lai tiah bia ka khiah cang i an dantatnak ding cu ka ṭial cang. An tuahmi kha hmu loin ka um sual lai lo, an sualnak ruangah khan ka lehrulh hna lai i

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

SALM 139:4

Ka chim hlan in ka chim ding vialte kha na hngalh dih.

SALM 119:63

Na rian a ṭuanmi hna cu ahohmanh an si ah ka hawikom an si, na phunglam a zulmi hna i an hawikom ka si.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

SALM 94:19

Khuaruahhar vansang au in ka um tikah na ka hnemh i ka lung na ka lawmhter.

SALM 66:16

Pathian a upatmi vialte hna, ra u law ra ngai tuah u; Pathian nih ka ca i a tuahmi kha kan chimh hna lai.

SALM 33:18

Bawipa nih amah a ṭihmi cu a zohkhenh hna i a fekmi a dawtnak aa bochanmi cu him tein a umter hna.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

SALM 16:3

Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

ESTHER 2:23

Cun cu thil cu an hlat i a si taktak ti kha an hmuh tikah, cu mi hna cu an pahnih tein mi thahnak thing ah an thlai hna. Cun mah cucu Chanrelnak Cauk chungah siangpahrang hmaika ah khan an ṭial.

2 CHANRELNAK 6:7

Bawipa, Israel Pathian min ca i inn rak sak kha ka pa David lung chungah a rak um ko.

1 SIANGPAHRANG 18:12

Nangmah sinin ka kal cangka, Bawipa thlarau nih ka hngalh lomi hmun ah an kalpi lai i cucaah ka rat i Ahab kha ka chimh i an hmuh khawh lo tikah, a ka thah lai, keimah na salpa nih hin ka tlanval lio in Bawipa cu ka upat ko dahkaw.

2 SAMUEL 7:1

Cun siangpahrang cu amah inn ah a um i Bawipa nih a velchum i ral a ummi vialte hna lakin dinhnak a pek tikah,

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

SALM 104:33

Ka nun chung vialte Bawipa cu hla in ka thangṭhat lai; ka nunnak a um chung ka Pathian thangṭhatnak hla cu ka sa lai.

1 SIANGPAHRANG 18:3

Cun Ahab nih, a innchungkhar zohkhenhtu Obadiah kha a kawh. (Obadiah nih cun Bawipa cu fak piin a upat i,

GENESIS 22:12

Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

JEREMIAH 8:6

An bia kha ka ngaih hna i biatak ka theihmi pakhat hmanh a um lo, ‘Aa, zei hen ka tuah,’ tiah ngaihchia in a ṭapmi misual pakhat hmanh ka hmu hna lo. Raltuknak hmun chungah rangtum a lut cutmatmi bantukin Anmahle an kalnak lam cio ah khan lu hlinh in an lut cio ko.

JEREMIAH 31:18

Israel mi hna nih ngaihchia in, ‘Bawipa, kannih cu a hrang i a lung a khongmi cawtum bantuk kan si, sihmanhsehlaw nangmah nawl zulh kha na kan cawnpiak; Kan hruai ṭhan law kan ra kir ko lai; nangmah cu Bawipa, kan Pathian na si.

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

SALM 56:9

Nangmah kan auh ni ah ka ral cu an kir lai, mah hi fiang tein ka hngalh — Pathian cu keimah leiah a um.

SALM 115:13

Amah a ṭihmi vialte cu thluachuah a pek hna lai, a hme a ngan thleidang loin a pek hna lai.