MALAKHI 1:14 - Lai (Hakha) Common Language Bible 2006

¹⁴ ‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

MALAKHI 1:14 Խաչաձեւ Հղումներ

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

MALAKHI 1:8

a mit a cawmi saṭil kha kan pekchanh ahcun zeihmanh a poi lai lo, a ke a beimi saṭil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai ṭha an pe hna hnga maw, tiah ralkapbu Bawipa nih a chim.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

LUKA 12:46

a bawipa cu a ra phan lai ti i a ruah lo ni le a hngalh lo caan ah khan a ra phan lai i cu sal cu a bawipa nih cun a sam cikcek lai i nawl ngai lomi hna tinvo kha a coter ve lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

SALM 76:12

a ruam a kaimi bawi kha a ṭhumh hna i siangpahrang nganngan kha therphang lengmang in a umter hna.

SALM 47:2

Cung Nung Bik Bawipa cu ṭih awk a si, amah cu a liannganmi siangpahrang vawlei cung vialte uktu a si.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

1TIMOTE 6:15

Cu Ni cu Pathian nih a caan a rem a ti tikah a tlunter ko lai; zeicahtiah Pathian lawnglawng cu thangṭhat awk tlak Uktu le siangpahrang hna Siangpahrang le bawi vialte hna Bawi a si.

DANIEL 9:4

“Bawipa, nang cu a lian a ngan i ṭih a nungmi Pathian na si, nangmah an dawtu hna le na nawlbia a zulmi hna sinah cun na biakamnak kha zumhawktlak tein na zulh;

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

JEREMIAH 48:10

Daithlang in Bawipa rian a ṭuanmi cu chiat ko seh! Thisen chuah awkah a nam a hmang duh lomi cu chiat ko seh!

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

DEUTERONOMI 28:58

“Hi a lianngan i ṭihnung a simi min, Bawipa nan Pathian, hi nan ṭih nakhnga ca i hi cauk chungah ṭial a simi phungbia vialte hi ṭha tein nan zulh ṭung lo ahcun,

GENESIS 27:12

Ka pa nih ka tawng sual seh law ka hlen kha a hngalh lai; cucaah cun thluachuahnak cu chim loin chiatsernak tu ka cungah kaa tlunter sual hnga maw,” a ti.

MARKA 14:8

A tuah khawh tawk pei a tuah cu: ka pum zihmui in a ka toih cu vui awk ca i a hlankan in a rak ka timh chung pei a si cu.

MATTHAI 24:51

a bawipa nih cun a sam cikcek lai i midepde pawl umnak hmun ah khan a umter ve lai. Cuka ah cun a ṭap lai i a hacang a rial lai.

MATTHAI 5:35

vawlei chalh zongin chiatser hlah u, zeicahtiah vawlei cu Pathian ke chiahnak a si; Jerusalem khua chalh zongin chiatser hlah u, zeicahtiah Jerusalem khua cu Siangpahrang ngan khua a si.

MALAKHI 3:9

Nan cheu hra cheu khat le nan thawhlawm ah hin nan ka deh a si lo maw? Nannih nih nan ka deh caah nan phun ning piin nan dihlak cungah chiatserhnak kha a um.

SALM 95:3

Zeicahtiah Bawipa cu a ṭhawngmi Pathian a si, pathian dang vialte cung siangpahrang ṭhawng a si.

SALM 68:35

Pathian, Israel Pathian, a hmunthiang chung in a rami cu zeitluk in dah ṭihnung a si! A mi cu ṭhawnnak le lianhngannak a pek hna. Pathian cu thangṭhat ko u!

SALM 48:2

Pathian tlang Zion cu a sang i aa dawh; a liannganmi siangpahrang khuapi nih vawlei cung vialte kha lawmhnak a pek hna.

2 SAMUEL 24:24

Sihmanhsehlaw siangpahrang nih Araunah cu a thawh i, “Asilo, a man in kan cawk ko lai, zeicahtiah Bawipa ka Pathian sinah, a man zeihmanh ka liam lomi khangh thawinak cu ka pechan kho hna lai lo,” tiah a ti. Cucaah David nih phuhri le cawtum cu ngun shekel sawm nga in a cawk hna.

JEREMIAH 46:18

“Ka nun bangin,” tiah Siangpahrang, a min Ralkapbu Bawipa a simi nih cun a ti. Tlang hna lak i Tabor tlang a san cem bantuk le Karmel tlang cu rili cung sangpi ah aa hlorh bantukin Nangmah an dohtu dingmi a ṭhawnnak cu a si lai.

JEREMIAH 48:15

Moab le a khua hna a hrawktu cu a ra cang, A tlangval hna lak i a ṭha bikbik cu an thi dih cang, tiah Ralkapbu Bawipa a min a simi Siangpahrang nih a ti.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

MALAKHI 2:1

Atu cu, nannih tlangbawi hna, hi biachahnak hi nannih caah a si:

SALM 47:3

Mi kip kha kan tangah a chiah hna i miphun hna uknak kha a kan pek.

SALM 47:8

A thiangmi a bawiṭhutdan cungah Pathian cu a ṭhu, miphun kip kha a uk hna.

SALM 102:16

Bawipa nih Zion kha a remh ṭhan tikah Bawipa lianhngannak cu a lang lai,