LUKA 9:8 - Lai (Hakha) Common Language Bible 2006

⁸ Midang nih, Elijah kha a hung lang cang, an ti i a dang nih hlan lio pi i a rak ummi profet pakhatkhat a hung nung ṭhan, an ti.

Laibaibal Thiang (BSI)

⁸ Cheukhat nih Elijah â lang a si lai tiah an ti, cheukhat nih hlan lio profet hna lakah pakhat khat a tho ṭhân a si lai, tiah an ti.

LUKA 9:8 Խաչաձեւ Հղումներ

JOHAN 1:21

Cun annih nih cun, “Ahodah na si kun? Elijah tah na si maw?” tiah an hal. Johan nih cun, “Ka si lo,” tiah a leh hna. Annih nih, “Profet cu tah na si maw?” an ti. Anih nih, “Ka si lo,” tiah a ti hna.

LUKA 9:19

“A cheu nih Tipilpetu Johan a si, an in ti. Cun a dang nih, Elijah a si, an in ti. Cun a dang nih hlanlio i a rak ummi profet pakhatkhat kha a nung ṭhan, an in ti,” tiah an ti.

MARKA 8:28

Annih nih, “A cheu nih, Tipil petu Johan a si, an in ti. A cheu nih Elijah a si, an in ti. A cheu nolh nih, profet pakhatkhat a si, an in ti,” tiah an leh.

MARKA 6:15

Sihmanhsehlaw a cheu nih cun, “Elijah a si,” an ti. Cun a cheu nih cun, “Hlanlio profet ngan pakhatkhat hna bantuk khan profet a si ve ko,” an ti.

MATTHAI 17:10

Cun a zultu pawl nih Jesuh cu, “Zeicahdah Phungbia cawnpiaktu saya pawl nih, Elijah cu a rat hmasa awk a si, an ti?” tiah an hal.

MATTHAI 16:14

Annih nih, “A cheu nih Tipil petu Johan a si, an in ti. A cheu nih, Elijah a si, an in ti, a cheu nih Jeremiah maw profet pakhatkhat dik a si, an in ti,” tiah an leh.