LUKA 8:6 - Lai (Hakha) Common Language Bible 2006

⁶ A cheu cu lung lakah an tla, an hung keuh tikah vawlei a hnawn lo caah an car dih.

Laibaibal Thiang (BSI)

⁶ A cheu lungpher cungah an tla i a keuh le cângkâ dapti a um lo caah a uai ṭhân.

LUKA 8:6 Խաչաձեւ Հղումներ

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

HEBRU 3:15

Cathiang nih a chimmi cu hihi a si: “Nihin ah Pathian aw kha nan theih ahcun Nan pupa hna nih Pathian an rak doh i an lung an rak ṭhawn bantuk khan, lung ṭhawng in um hlah u.”

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

LUKA 8:5

“Mipa pakhat cu thlaici vorh awkah aa thawh. Lo chung i thlaici a vorh tikah cun a cheu cu lam hril ah an tla i mi nih an lamh hna i vate nih an char hna.

LUKA 8:7

Thlaici a cheu cu hling lakah an tla, hling he cun an kho ṭi i hling nih cun a thah hna.