LUKA 7:13 - Lai (Hakha) Common Language Bible 2006

¹³ Bawipa nih cun amah cu a hmuh tikah a zaang a fak ngaingai i, “Ṭap hlah,” tiah a ti.

Laibaibal Thiang (BSI)

¹³ Bawipa nih nu cu a hmuh tikah a zângfah ngaingai i, “Ṭaphlah” tiah a ti.

LUKA 7:13 Խաչաձեւ Հղումներ

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

SALM 103:13

Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

LUKA 8:52

Khika i a ummi vialte nih ngakchia cu an ṭah. Jesuh nih a thawh hna i, “Ṭap hlah u, ngakchia hi a thi lo, aa hngilh i pei a si ko cu,” tiah a ti hna.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

JOHAN 20:15

Jesuh nih cun, “Zeicahdah na ṭah len ko? Ahodah na kawl?” tiah a hal. Mary nih cun dum cawngtu pa kha a si rua tiah a ruah i, “Bawipa, nangmah nih na lak a si ahcun na chiahnak kha ka chim tuah, ka va kal lai i ka va lak lai,” tiah a ti.

MARKA 8:2

“Hi hna hi ka sinah ni thum an um cang i atu cu ei awk zeihmanh an ngei ti lo, ka zaang an fak ko.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.

JOHAN 11:2

(Cu Mary cu Bawipa ke ah zihmui a toih i a sam in a hnawttu kha a si; a zawmi Lazaruh cu amah ṭa cu a si).

LUKA 24:34

“Bawipa cu a tho taktak ko. Simon nih a hmuh,” tiah an rak i ceih len ko.

LUKA 17:5

Lamkaltu hna nih khan Bawipa cu, “Kan zumhnak hi nganter deuh tuah,” an ti.

1 KORIN 7:30

a ṭapmi cu ngaihchia lomi bantukin um hna seh; a nimi cu lunglawm lomi bantukin um hna seh; thil a cawmi nih an cawkmi kha kan ta a si lo ti bantukin um hna seh law

JOHAN 20:13

“Zeicahdah na ṭah len ko?” tiah an hal. Anih nih, “Ka Bawipa kha an kalpi i khuazei i an chiah ka hngal lo,” tiah a leh hna.

LUKA 13:15

Bawipa nih cun a leh i, “Mi depde hna. Aho paoh nih Sabbath ni ah nan caw siseh nan la siseh an inn in nan thlah hna i ti dinh awkah nan kalpi ko ṭung hna.

LUKA 10:1

Cu hnuah cun Bawipa nih a dang sawm sarih le pahnih kha a thim hna i amah a kalnak ding khua le hmun paoh ah khan a hmaiah pahnih pahnih in a thlah hna.

LUKA 7:19

Bawipa sinah cun a hei thlah hna i, “ ‘Nangmah hi a ra lai timi cu na si maw; asiloah a dang dah kan orh rih lai?’ tiah va hal u,” a ti hna.

1THESALON 4:13

U le nau hna, ruahchannak a ngei lomi hna an ngaih a chiat bantukin nan ngaih a chiat nakhnga lo, nannih cu a thi ciami hna kong i biatak kha hngalhter kan in duh hna.

LUKA 22:61

Bawipa cu a hun i mer i Peter kha a hei zoh i Peter nih cun Bawipa nih, “Tuzan ah ar a khuan hlanah, amah cu ka hngal lo, tiah voi thum tiang naa pheh lai,” a timi kha a lung ah a hung pem.

LUKA 7:12

Khua hauka a hei phak ah khin ruak vui awk i a kalmi mirun kha an hung chuak ve. A thimipa cu nuhmeinu fapa a si i amah lawngte cu a fa a si, mi tampi nih khuachung cun nuhmeinu cu an kalpi.

LUKA 7:14

Cun a va kal i ruak kuang kha a tawngh i a zawntu hna cu an dir. Jesuh nih cun, “Tlangvalpa, tho tuah, kan ti,” tiah a ti.

LUKA 11:1

Voi khat cu Jesuh kha kaa khat ah thla a cam. A thlacam cu a dih tikah a zultu pakhat nih aa thawh i, “Bawipa, Johan nih a zultu hna a cawnpiak hna bangin kannih zong thlacam kan cawnpiak ve,” tiah a ti.

LUKA 11:39

Cucaah Bawipa nih cun amah cu a thawh i, “Nannih Farasi mi nih kheng le hrai kha a lenglei cu nan ṭawl tawn hna, sihmanhsehlaw a chunglei ah cun hakkauhnak le ṭhat lonak in nan khat.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

LUKA 17:6

Bawipa nih cun a leh hna i, “Nannih nih anṭam ci ngaw zumhnak nan ngeih ahcun, hi thingtheihmung kung hi, ‘Na hram in i phawi law rili ah khin vaa phun,’ nan ti ah nan nawl an ngaih ko hna lai,” tiah a ti.

LUKA 18:6

Cun Bawipa nih cun a peh ṭhan i, “A ding lomi biaceihtu bawi nih a chimmi cu nan theih cang.

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.

LUKA 24:3

cucaah an vung lut colh, sihmanhsehlaw Jesuh ruak kha an hmu lo.

JOHAN 4:1

Farasi pawl nih khan Jesuh nih Johan nakin zultu tam deuh a lak hna i tipilnak a pek hna ti kha an theih.

JOHAN 6:23

Cun Tiberias khua in a rami lawng a dang kha, Bawipa nih Pathian sinah lawmhnak bia a chim hnuah mizapi nih changreu an einak hmun ah khan an hung i din.

JOHAN 11:3

Cu unau pahnih hna nih cun Jesuh cu bia an hei cah i, “Bawipa, na dawtmi na hawi kha a zaw,” an ti.