LUKA 6:38 - Lai (Hakha) Common Language Bible 2006

³⁸ Midang kha thil va ṭhen hna u, nannih zong Pathian nih an ṭhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.

Laibaibal Thiang (BSI)

³⁸ Pe law, pêk nasi ve lai. Tling te i tah in, benhchih len in, hngirh lenbu i liam thluahmanh in, nan phei cungah pêk nan si lai. Na tahnâk kha tahnâk ah an hman ve lai.

LUKA 6:38 Խաչաձեւ Հղումներ

2 SAMUEL 19:36

Na sal nih hin siangpahrang cu Jordan tiva ral ah khin tlawm tein ka hei in kalpi rih lai. Zeicahdah siangpahrang nih cu bantuk laksawng cun a ka lehrulh hnga?

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

JOB 42:11

Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.

SALM 79:12

Bawipa, miphun dang pawl cu, nangmah an in zawmhtaih ruangah khan a let sarih in rul hna.

EXODUS 21:24

mit caah mit ve, ha caah ha ve, kut caah kut ve, ke caah ke ve,

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

PHUNGTHLÛKBIA 22:9

Siannak lungthin a ngeimi cu thlua a chuak lai, zeicahtiah a rawl kha sifakmi a hrawm hna.

JEREMIAH 32:18

Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.

MATTHAI 10:42

Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

MARKA 4:24

Cun hi zong hi a chimh hna: “Nan theihmi kha ṭha tein ruat u. Nan tah hna ning tein tah nan si ve lai i tam deuh hmanh chap nan si lai.

LUKA 6:30

Thil zeimaw an halmi paohpaoh kha va pe hna, cun mi pakhatkhat nih na ta a simi kha aa lak ahcun va hal ṭhan ti hlah.

DEUTERONOMI 15:10

Lungtho tein nan pek lai i nan pek tik zongah nan lung chungin nan uam lai lo, zeicahtiah hi caah hin pei Bawipa nan Pathian nih nan rian vialte le nan tuahmi vialte ah thluachuahnak an pek hna lai cu.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.