LUKA 6:25 - Lai (Hakha) Common Language Bible 2006

²⁵ Atu i a paw a khimmi nan caah cun ngaihchia a va si dah! Rawlṭam in nan vak lai. Atu i a ni lengmangmi nan caah cun ngaihchia a va si dah! Ngaihchia in nan ṭap lai!

Laibaibal Thiang (BSI)

²⁵ Atu i a paw a khimmi hna, ngaihchia nan va si dah, zeitintiah nan rawl a ṭam te lai. Nannih atu i a nihmi hna, ngaihchia nan va sidah, zeitintiah lungkuai in nan ṭap te lai.

LUKA 6:25 Խաչաձեւ Հղումներ

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

JEIM 4:9

Ngaihchia in um u, ṭap u law ai u; nan nihnak kha ṭahnak in thleng u, nan i lawmhnak kha ngaihchiatnak in thleng u.

PHUNGTHLÛKBIA 14:13

Minung cu a nih len ko zongah a lungchung tein a ngaih a chia ko hnga, lunglawmhnak a loh cang ahcun, ngaihchiatnak a um zungzal ko.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

EFESA 5:4

Cun a thurhnawmmi holh le hruh bia le bia dawhcah lo zong kha nan hman awkah aa tlakmi an si lo. Pathian lawmhnak bia tu kha nan chim awk a si.

LUKA 13:28

Nannih vial cu lengah nan um lai i Abraham le Isak le Jakob le profet vialte hna cu Pathian Pennak chungah khan nan hmuh hna lai, cu tikah nan ṭap len lai i nan hacang nan i rial sek te lai.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

LUKA 8:53

A thi ko ti kha an hngalh caah an nih a chuak.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

ISAIAH 9:20

Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna!

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

PHUNGCHIMTU 7:6

Mihrut cu an nih ah khin, hlingkung mei chung i a puah ṭhukmak bantuk khi a si, sullam zeihmanh a ngei lo.

PHUNGCHIMTU 7:3

Ngaihchiat hi lunglawmh nakin a ṭha deuh, zeicahtiah ngaihchiatnak nih cun na hmai cu a ngaih a chiatter ko nain na hngalhnak kha a haarter lai.

PHUNGCHIMTU 2:2

Nih hi hruh a si, i nuamhnak nih hin zeihmanh ṭhatnak a kan pe kho lo ti kha ka hngalh.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

SALM 49:19

a thi cangmi a pupa hna sinah khan a kal ve ko lai i cuka cu zungzal in muihnak a umnak hmun a si ko.

1 SAMUEL 2:5

A khim tawnmi cu rawl kawl ah kuli an ṭuan, Sihmanhsehlaw a ṭam tawnmi cu an ṭam ti lo. A cingmi nih pasarih a hrin cang hna. Sihmanhsehlaw fa tampi a ngeimi kha cihai in a um.

LUKA 6:24

“Sihmanhsehlaw nannih atu i a rummi, nan caah cun ngaihchia a va si dah! Nan nun nuamhnak kha nan hmuh cang.

LUKA 6:26

Mi vialte nih, an in chimthiam hna tikah nan caah ngaihchia a va si dah; zeicahtiah cuti te cun pei an pupa hna nih khan nal profet kha an rak ti hna cu,” a ti.