LUKA 5:32 - Lai (Hakha) Common Language Bible 2006

³² Sualnak kan ngei lo tiah aa ruatmi hna kha i ngaihchih u ti awkah ka ra lo, misual mi tu kha, i ngaichih u tiin kawh awkah ka ra,” tiah a ti.

Laibaibal Thiang (BSI)

³² Midingmi hna auh awkah ka ra lo i misual hna auh i ngaihchihter awkah ka ra, tiah a leh hna.

LUKA 5:32 Խաչաձեւ Հղումներ

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

MARKA 15:10

Jesuh ka kut chung i an ka pek hi, tlangbawi upa nih an nahchuah caah a si, ti kha Pilat nih ṭha tein a hngalh.

MARKA 15:7

Cu lioah cun ral a thomi, midang hna he ral an thawhnak i lai a nawngmipa Barabbas kha thong chungah cun a um.

MARKA 2:17

Jesuh nih a theih hna i, “A dammi nih cun sibawi an herh ṭung lo, a zawmi lawng nih pei an herh ko cu; miding mi hna kawh awkah ka ra lo, misual mi hna kawh awk tu ah ka ra,” tiah a ti hna.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 15:7

Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai,” tiah a ti.

LUKA 19:10

Zeicahtiah Mi Fapa cu a tlaumi kawl awk le khamh awkah a ra,” tiah a ti.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

LUKA 5:31

Jesuh nih a thawh hna i, “A dammi nih sibawi an herh lo, a zawmi lawnglawng nih an herh.

LUKA 5:33

Jesuh cu mi a cheukhat nih an thawh i, “Johan zultu pawl cu atu le atu rawl an ul i thla an cam, cun Farasi mi hna zultu pawl zong nih khan cu bantuk ṭhiamṭhiam cun an tuah; sihmanhsehlaw nang na zultu hna cu an ding an ei ko,” tiah an ti.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.