LUKA 5:12 - Lai (Hakha) Common Language Bible 2006

¹² Voi khat cu khua pakhat ah hin Jesuh cu a um i cuka ah cun thinghmui zawtnak nih a tuam in a tuammipa pakhat a rak um. Jesuh kha a hmuh tikah a hmaiah khan a bawk i, “Bawipa, na duh ahcun na ka thianter khawh,” tiah a nawl.

Laibaibal Thiang (BSI)

¹² Cun khua pakhat i a um lio ah, ngaihmanh, mi pakhat thinghmui in a khatmi nih Jesuh a hmuh, a hmai ah bawkin, “Bawipa na duh ahcun naka thianter khawh,” tiin a nawl.

LUKA 5:12 Խաչաձեւ Հղումներ

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

LUKA 17:16

Jesuh ke hram ah khan vawlei ah a bawk i Jesuh cu a lawmh. Cu pa cu Samaria mi a si.

MATTHAI 9:28

Jesuh cu inn chung i a luh tikah khan mitcaw pahnih hna cu a sinah cun an ra i annih cu, “Hihi ka tuah khawh tiah nan zum maw?” tiah a rak hal hna. Annih nih, “Asi, na tuah khawh tiah kan zumh bawipa,” tiah an leh.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

MATTHAI 26:6

Jesuh cu Bethani khua i thinghmui Simon inn i a um lioah khan,

EXODUS 4:6

Bawipa nih khan Moses cu a thawh ṭhan i, “Na angki leng chungah khan na kut kha vun nawk tuah,” a ti. A chim bang cun a vun nawh i a hun chuah ṭhan tikah a kut cu zawtnak nih a tlunh, ṭialṭang in a rang dih i hawhra bantuk a si.

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

2 SIANGPAHRANG 5:1

Siria siangpahrang i a ralkapbu haotu Naaman cu, Bawipa nih amah thawng in Siria cu teinak a pek caah, a bawipa mithmuh ah mi ngan le hmaizah ngaingaimi a si. Amah cu a ṭhawng i a ral a ṭhami a si, sihmanhsehlaw mithinghmui a si.

1 SIANGPAHRANG 18:39

Cun mah cucu mi vialte nih khan an hmuh tikah an bawk i, “Bawipa hi pei Pathian cu a rak si hi, Bawipa hi pei Pathian cu a rak si hi,” tiah an ti.

JOSHUA 5:14

Cun anih nih, “Sihlah; sihmanhsehlaw Bawipa ralkapbu hruitu in ka ra,” tiah a ti. Cun Joshua cu vawlei ah a bawk i a biak i, “Ka bawipa nih a salpa a fialmi cu zeidah a si?” tiah a ti.

DEUTERONOMI 24:8

“Thinghmui zawtnak kong ah i ralring tuah u, Levi tlangbawi hna nih an in chimhmi hna bangin ṭha tein tuah u; nawl kan pek hna bangin nannih nih ralring tein nan tuah lai.

LEVITIKAS 9:24

Cun Bawipa hmaika in mei a hung chuak i biakṭheng cung i khangh thawinak le thau cu a kangh hna; cun mi vialte nih khan an hmuh tikah an au i an bawk.

MARKA 5:23

“Ka fanute cu a zaw i a zual ngaingai ko. Zaangfahnak tein ra law a cungah na kut ra chia ko sawh, cu ti na tuah ahcun a dam lai i a nung ko lai,” tiah a ti.

2 SIANGPAHRANG 7:3

Cun kutka luhnak ah cun mi pali an um i annih cu mithinghmui an si; cun pakhat le pakhat kha bia an i ruah i, “Zeicah hen mah kah hin kan thih tiangin kan ṭhut ko?

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

LEVITIKAS 13:16

Sihmanhsehlaw a sa hring cu aa thlen ṭhan i a rang ah aa can ṭhan ahcun tlangbawi sinah a ra lai i

LUKA 5:13

Jesuh nih cun a kut a hei samh i a hei tawngh. “Damter kan duh, thiang ko,” tiah a ti. Chikkhatte ah thinghmui zawtnak nih cun a kaltak.