LUKA 23:14 - Lai (Hakha) Common Language Bible 2006

¹⁴ “Hi pa hi ka sinah nan ratpi i mizapi kha a pingah a hruai hna, nan ti. Atu cu amah kha nan hmaiah ka kher i thil ṭhalo a tuah tiah nan puhmi vialte kha pakhat hmanh a tuah tiah ka hmu kho lo.

Laibaibal Thiang (BSI)

¹⁴ an sinah, “Hi pa nih mizapi a buaiter hna timi kongah nan ratpi kha a si i nan hmai hrimhrim ah sual nan puhmi vialte kha ka hlathlai i a sualnâk zeihmanh ka hmu lo,

LUKA 23:14 Խաչաձեւ Հղումներ

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

LAMKALTU 13:28

Annih nih thah awkah aa tlak tinak caah bia an hmu kho lo nain Pilat kha kan thahpiak ko tiah an nawl.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

MATTHAI 27:24

Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.