LUKA 22:33 - Lai (Hakha) Common Language Bible 2006

³³ Peter nih a leh i, “Bawipa, nangmah he thongtlak le thih kha ka ngamh ko,” tiah a ti.

Laibaibal Thiang (BSI)

³³ Anih nih, “Bawipa, na kalnâk i kal ve dingah, thong tlak le thih zong ka zuam ko,” tiah a ti.

LUKA 22:33 Խաչաձեւ Հղումներ

MARKA 14:31

Peter nih cun ṭhawng chinchin in a leh i, “Nangmah sin i ka thih ve a herh zongah, nangmah cu, ka hngal lo, kan ti bal lai lo,” tiah a ti. Cun zultu dang vialte zong nih khan cuticun an ti cio.

MARKA 14:29

Peter nih, “A dang nih an dihlak in in zamtak hna hmanh seh law, kei cu kan zamtak hrimhrim lai lo,” tiah a hun leh.

MATTHAI 20:22

Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

PHUNGTHLÛKBIA 28:26

Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

JEREMIAH 10:23

Maw Bawipa, minung nih a zulhmi a lam hi amah nih aa thimmi an si lo i A nun chung i a kalnak lam zong hi amah nih aa ser khawhmi an si lo ti kha ka hngalh.

LUKA 22:34

Jesuh nih a leh ve i, “Peter, tuzan ah, amah cu ka hngal lo, tiah voi thum tiang na ka ti hlan tiang ar a khuang lai lo,” tiah a ti.

JOHAN 13:38

Jesuh nih cun, “Ka caah thih cu na ngamh ngai hnga maw? Biatak kan chimh: ar a khuan hlanah voi thum, amah cu ka hngal lo, na ka ti lai,” tiah a leh.

LUKA 22:57

Sihmanhsehlaw Peter nih aa pheh i, “Minu, a hngalh hmanh ka hngalh ṭung lo,” a ti.