LUKA 22:31 - Lai (Hakha) Common Language Bible 2006

³¹ Jesuh nih, “Simon, Simon, ngai-hmanh. Lothlotupa nih facang cu a fang le a hi a thleidan bantukin Satan nih nannih cu nan dihlak in hneksaknak nawl kha a hmuh cang.

Laibaibal Thiang (BSI)

³¹ Cun Bawipa nih, “Simon, Simon! Satan nih fangkhei bantukin an khei khawh nâkhnga nangmah hi an hal len dah kaw.

LUKA 22:31 Խաչաձեւ Հղումներ

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

ZEKHARIAH 3:1

Cun Bawipa vancungmi hmai i a dirmi Tlangbawi Ngan Joshua le amah cu sualphawt awkah a orhlei kam in a dirhnawhtu Satan kha ka hmuh.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.

AMOS 9:9

Keimah nih nawlbia kha ka chuah lai i Miphun vialte hna lakah khan Israel mi cu ka vamh hna lai, Mi nih fingrilh an rilh i cu fingrilh chungin lungtekem pakhat hmanh vawlei ah a tlak lo bantukin Israel mi cu ka rilh hna lai.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

LUKA 10:41

Bawipa nih cun a leh i, “Martha, Martha, thil tam tuk kong ah na lungre a thei i na ing a puang,

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

MATTHAI 26:30

Cun hla an sa i Oliv tlang ah khan an kal.

1 KORIN 5:5

hi pa cu a thlarau kha Bawipa Ni ah khamh a si nakhnga a pum cu hrawh awkah amah cu Satan sinah khan pek awk a si, ka ti.

2 KORIN 2:11

cuti ka ngaihthiam cu Satan nih khan kan tei sual hlah seh ti ka duh caah a si, zeicahtiah Satan thil tining cu fiang tein kan hngalh ko.

ISAIAH 28:28

Changvut fang cu parh cikcek in a naang bal lo, a fang kha rawk lo tein cawleng kha a rialter.