LUKA 19:42 - Lai (Hakha) Common Language Bible 2006

⁴² “Nihin ah hin daihnak caah zeidah a herh ti kha hei hngal law cu mu! Sihmanhsehlaw cucu na hmu kho ṭung lo.

Laibaibal Thiang (BSI)

⁴² “Naca i tuahmi daihnâk hi, a hlei in ni hin ni ah hin hei hngal law mu! Asinain atu cu na hmuh lonâk dingah â thup cang.

LUKA 19:42 Խաչաձեւ Հղումներ

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!

HEBRU 3:15

Cathiang nih a chimmi cu hihi a si: “Nihin ah Pathian aw kha nan theih ahcun Nan pupa hna nih Pathian an rak doh i an lung an rak ṭhawn bantuk khan, lung ṭhawng in um hlah u.”

ISAIAH 48:18

“Ka nawlbia kha rak ngai u law, ti ka hei duh dah! Thluachuahnak cu nan caah, zeitikhmanh i a reu bal lomi tiva bantukin, a luan in a luang zungzal ko hnga! Ti kam a deng lengmangtu tilet bantukin teinak cu nan sinah a phan ko hnga!

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

LUKA 19:44

Nangmah le na vampang kulh chung i a ummi minung hna cu an in hrawh dih cikcek hna lai: Pathian cu nangmah khamh awkah a rat caan kha na hngalh lo caah cuka hmun ah cun aa chonhmi lung pakhat hmanh leh loin an kaltakmi a um lai lo.”

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

HEBRU 3:7

Cucaah Thiang Thlarau nih a ti bantukin, “Nihin ah Pathian aw kha nan theih ahcun lungkhong in um hlah u;

SALM 81:13

Ka mi nih hin ka bia ngai u law zeitluk in dik ka hei i lawmh hnga! Ka nawl zul u law, zeitluk in dik ka lung a va si hnga!

SALM 32:6

Cucaah zumhawktlak a simi vialte hna nih cun, herhnak caan an ton tikah na sinah thla an cam awk a si; tilian a tlun tikah a phan hna lai lo.

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

LUKA 19:41

Khuapi cu a hei naih chin lengmang i a hei hmuh tikah a ṭah i,

LUKA 19:43

Zeicahtiah na ral nih raltuknak chuntlung in an in kulh i an in hren i a kenkip in an in luhhnawh caan kha a phan lai.