LUKA 18:32 - Lai (Hakha) Common Language Bible 2006

³² Jentail mi hna kut ah pek ka si lai i annih nih cun capo ah an ka saih lai i an ka nihsawh lai i cil an ka chak lai.

Laibaibal Thiang (BSI)

³² Zeitintiah Gentel mi hna sinah an pek lai i nichuak saihnâk ah hmangin, mualpho ngaiin an tuah lai i cil an chak lai.

LUKA 18:32 Խաչաձեւ Հղումներ

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

ISAIAH 50:6

A ka tumi kha ka keng ka chit ko hna, an ka serhsat tikah ka kham hna lo, ka khahmul an ka phawipiak i ka hmia i cil an ka chak ah khan zeihmanh ka ti hna lo.

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

MARKA 14:65

Cun mi cheukhat nih Jesuh cu cil an chak i a mit an huh i an bengh. “Ahodah an beng, kan chim tuah,” an ti. Cun ralvengtu pawl nih khan an kalpi i an bengh.

MATTHAI 26:67

Cun a hmaiah cil an chak i an tuk; cun a bengtu hna nih khan an thawh i,

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

MIKAH 5:1

Jerusalem khuami hna, kulhnak vampang phen ah khan i thup u, Nannih cu an in kulh cang hna; Israel uktu cu a bel ah fung in an tuk lai.

ISAIAH 52:14

An rak hmuh ah khan mi tampi cu an khuaruah a har; a muihmai cu a rak rawk tuk hringhran i minung hmanh a lo lo.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

JOHAN 18:35

Pilat nih cun, “Kei cu Judah mi ah maw na ka ruah? Nangmah na phun hawile an tlangbawi upa hna nih pei ka sin an in phakter ko cu. Na tuahmi cu zeidah a si?” tiah a leh.

JOHAN 18:30

Annih nih, “Zei a sual lo ah maw na sinah cun kan ratpi hnga,” tiah an leh.

JOHAN 18:22

Cu bia a chim tikah cuka i a ummi palik pakhat nih Jesuh cu a bengh i, “Zeitindah Tlangbawi Ngan sinah cu bia cu na chim ngam?” tiah a ti.

LUKA 23:35

Judah mi hruaitu pawl nih an nihsawh i, “Midang cu a khamh hna, amah cu Pathian nih a thimmi Messiah a si ahcun amah le amah kha i khamh kun ngat seh,” tiin an ti lioah khan zapi nih cun an dir i an zoh ko.

LUKA 23:1

An bu ningpi khan an tho i Jesuh cu Pilat hmaiah khan an kalpi.

MATTHAI 27:2

Cikcin in an khih i an hei kalpi i Mangki bawi Pilat sinah khan an pek.

JOHAN 18:28

Jesuh cu Kaiafas inn khan an chuahpi i Mangki bawi inn ah an kalpi. Cu caan cu zingkate a si. Judah mi cu mangki bawi inn chungah khan an lut lo, zeicahtiah phunglam lei in thian i cheh i Lanhtak Puai rawl ei khawh kha an duh.

MARKA 15:1

A thaizing zingkate ah tlangbawi upa hna cu haotu upa hna le phungbia cawnpiaktu saya hna le biaceihtu vialte hna he khan hnawhsare in an i pum i khua an khang. Jesuh cu thir cikcin in an khih i an kalpi i Pilat kut chungah khan an pek.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

MATTHAI 22:6

a cheu nih cun a sinum hna kha an rak tlaih hna i an rak velh hna i an rak thah hna.

LUKA 18:33

Fung in an ka tuk lai i an ka thah lai, sihmanhsehlaw ni thum ni ah nunnak ah ka tho ṭhan lai,” tiah a ti hna.

JOHAN 18:32

(Jesuh nih zei bantuk thihnak dah ka in lai tiah a rak chimchungmi a tlinnak ding caah hi bangin thil a hung um cu a si).