LUKA 18:23 - Lai (Hakha) Common Language Bible 2006

²³ Sihmanhsehlaw hi bia cu mipa nih khan a theih tikah a ngaih a chia ngaingai, zeicahtiah amah cu mirum ngaingai a si.

Laibaibal Thiang (BSI)

²³ Anih nih cu bia cu a theih tikah, a ngaih a chia ngaingai, chawva tampi ngeimi a si.

LUKA 18:23 Խաչաձեւ Հղումներ

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

1JOHAN 2:15

Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 8:14

Hling lakah a tlami thlaici cu hi mi hna bantuk hi an si: Pathian bia cu an theih nain khuaruahhar vansannak le rumnak le nuamhnak nih a rialdip hna tikah an thei a hmin kho lomi kha an si.

MARKA 10:22

Cu bia cu mipa nih khan a theih tikah a hmai a chia i ngaihchia ngaiin a kir; zeicahtiah a rum ngaingaimi a si.

MATTHAI 19:22

Cu bia cu tlangval nih khan a theih tikah ngaihchia in a kal, zeicahtiah amah cu mirum ngaingai a si.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

LUKA 18:24

Jesuh nih a ngaih a chiat kha a hmuh tikah aa thawh i, “Mirum caah cun Pathian Pennak chung i luh hi a va har hringhran dah.