LUKA 17:25 - Lai (Hakha) Common Language Bible 2006

²⁵ Sihmanhsehlaw a intuar hmasat le tu chan mi hna nih an hlawt hmasa kha a herh lai.

Laibaibal Thiang (BSI)

²⁵ Sihmanhsehlaw cu cân a phâk hlan ah thil tampi a tuar hmasa lai i atu chanthar hna hlawt in a um lai.

LUKA 17:25 Խաչաձեւ Հղումներ

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

LUKA 9:22

“Mi Fapa nih hin temhinnak tampi ka in hrimhrim lai; upa hna le tlangbawi upa hna le Phungbia cawnpiaktu saya hna nih an ka hlawt lai. An ka thah lai i ni thumnak ni ah thawhter ka si ṭhan lai,” tiah a chimh hna.

MARKA 8:31

Jesuh nih cun a zultu kha a cawnpiak hna i, “Mi Fapa nih hin temhinnak tampi ka huah lai, upa hna le tlangbawi upa pawl hna le Phungbia cawnpiaktu saya hna nih an ka hlawt lai. Thihnak ka huah lai i ni thum hnuah ka tho ṭhan lai,” tiah a chimh hna.

JOHAN 1:11

Amah ram a simi ah khan a ra nain, amah mi ciacia nih khan an rak cohlang duh lo.

LUKA 18:33

Fung in an ka tuk lai i an ka thah lai, sihmanhsehlaw ni thum ni ah nunnak ah ka tho ṭhan lai,” tiah a ti hna.

MARKA 12:10

Cathiang chungah: ‘Inn satu hna nih, santlailo tiin an hlawtmi lung cu santlai bik ah a cang.

MATTHAI 21:42

Jesuh nih khan annih cu, “Cathiang nih: ‘Inn satu hna nih san a tlai lo tiin an hlawtmi lung cu lung santlai bik ah a cang; Cucu Bawipa tuahmi a si i khuaruahhar ngaingai a si tiah kan ruah,’ tiah a timi kha nan rel bal lo maw?

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

JOHAN 12:38

cucu profet Isaiah nih, “Kan chimmi bia cu aho nih dah an zumh? Aho sinah dah Bawipa nih a lianhngannak cu a langhter?” tiah a rak chimmi kha a tlin nakhnga caah a si.

LUKA 24:46

Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho ṭhan lai,

LUKA 18:31

Jesuh nih zultu pahleihnih kha a dang tein a kalpi hna i, “Ngai hmanh u, Jerusalem ah kan kal lai i khika ah profet hna nih Mi Fapa kong an ṭialmi paohpaoh kha a tling dih lai.

MARKA 10:33

A thawh hna i, “Jerusalem khua kan hung phan lai i Mi Fapa hi tlangbawi upa hna le Phungbia cawnpiaktu saya pawl hna kut chungah khan an chanh lai. Annih nih cun, thih awktlak a si, tiin sual an phawt lai i, cun Jentail mi hna kut ah an chanh chin lai.

MARKA 9:31

Zeitindah a cawnpiak hna tiah, “Mi Fapa hi mi kut chungah chanh ka si lai i cu hna nih cun an ka thah lai. Sihmanhsehlaw ni thum hnuah ka tho ṭhan lai,” tiah a ti.

1 SAMUEL 10:19

Sihmanhsehlaw nihin ni ah hin nannih nih, vanchiat nan tonmi vialte le nan harnak vialte chungin an khamhtu hna nan Pathian cu nan hlawt i, ‘Sihlah! kan cungah siangpahrang pakhat kan chiahpiak ko,’ nan ti. Cucaah atu cu Bawipa hmaiah, nan phun cio ning le nan chung cio ningin, chuak tuah u,” tiah a ti.

1 SAMUEL 8:7

Cun Bawipa nih Samuel cu a chawnh i, “Mizapi nih na sinah an chimmi bia vialte ah an aw kha ngai tuah; zeitintiah nangmah an in hlawt a si lo, an cung i siangpahrang ka sinak hin keimah an ka hlawt a si.