LUKA 15:29 - Lai (Hakha) Common Language Bible 2006

²⁹ A pa cu a thawh i, ‘Zohhmanh, kum hi zat riangruang, sal bantukin na rian ka ṭuan i voi khat hmanh na nawl ngai loin ka um bal lo. Zeidah na ka pek? Ka hawikom he i nuamhnak caah meheh pakhat hmanh na ka pe lo.

Laibaibal Thiang (BSI)

²⁹ Anih nih, kum tampi na rian ka ṭuan, na nawl ngai loin ka um bal fawn lo; ka hawi le hna he i nomhnâk dingah meheh fa pakhat hmanh naka pe bal lo.

LUKA 15:29 Խաչաձեւ Հղումներ

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

LUKA 19:21

Nangmah cu mikhepkha na si caah kan ṭih, Nangmah ta a si lomi kha na lak i thlaici na tuh lonak hmun ah na zun tawn,’ tiah a ti.

LUKA 18:9

Anmah kha kan ṭha tiah aa ruat i midang vialte kha zei a rel lomi hna sinah Jesuh nih hi tahchunhnak bia hi a chim.

LUKA 17:10

Nannih zong cu bantuk cu nan si ve ko, tuah u tiah fialmi rian kha nan tuah dih tikah, ‘Kannih cu sal santlailo kan si, kan tuah awk hnga rian a simi lawng pei kan tuah ko cu,’ va ti u,” tiah a ti hna.

LUKA 15:7

Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai,” tiah a ti.

MATTHAI 20:12

An i thawh i, ‘A hmanung bik i na fialmi hna tham cu suimilam pakhat lawng pei an ṭuan ko cu, kannih cu chun nitlak pei ni lin lakah kan ṭuan cu, asinain kanmah na kan pek zat ṭhiamṭhiam na pek ve ko hna,’ an ti.

MALAKHI 3:14

“Pathian biak hi zeihmanh ah a ṭhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu Bawipa sin i langhter hi zei ṭhathnemnak dah a um?” nan ti.

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

ISAIAH 65:5

Cun midang kha an thawh hna i kannih cu mithiang tuk kan si, kan tawng hlah u, an ti hna. Hi bantuk mi cu a in in ka ing kho hna lo — an cung i ka thinhunnak cu a mit kho lomi mei bantuk a si.

ROM 3:27

A si kun ahcun, kan i uan khawh awk zeital a um maw? Um hlah. Zei ruangah dah? Nawlbia kan zulh ruangah maw? Si hlah. Sihmanhsehlaw kan zumh ruangah a si.

ROM 3:20

Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

LUKA 15:28

Fapa upa u cu a thin a hung tuk i inn chungah khan a lut duh lo; cucaah a pa kha a va chuak i, ra lut ko, tiah a lem.

LUKA 15:30

Sihmanhsehlaw hi na fapa, thilri vialte hlawhhlangnu sin i a hlolak dihtu hi inn i a hung tlun ṭhan tikah caw thaute kha na thahpiak!’ tiah a ti.