LUKA 15:13 - Lai (Hakha) Common Language Bible 2006

¹³ Ni tlawmpal hnuah khin ngakchia deuh pa nih cun a thilri cu a zuarh i a man tangka cu aa lak i an inn cun a kal. A hla ngaingaimi ram ah a kal i khika ah khan duhduh in khua a va sa i a tangka cu a va sawksam dih.

Laibaibal Thiang (BSI)

¹³ Ni tlawmpal hnu ah a ngakchia deuh nih a co hngami vialte â lak i ram hlapi ah a tlawng, cukaah a chawva cu nomhhnaihnâk lawng teah a hman hna.

LUKA 15:13 Խաչաձեւ Հղումներ

JEREMIAH 2:5

Bawipa nih hi bangin a ti: “Nan pupa hna nih zei palhnak dah ka cungah an hmuh i Ka sinin lamhlatpi ah an kal i pakpalawng kha an zulh i pakpalawng ah an can?

PHUNGTHLÛKBIA 29:3

Fimnak a duhmi nih a pa cu a lawmhter, Sihmanhsehlaw hlawhhlangnu a kommi nih cun a chaw kha a hlohlak tawn.

PHUNGTHLÛKBIA 21:17

Nuamhnak a duhmi cu misifak a si lai, zu le sa a duhmi cu a rum bal lai lo.

PHUNGTHLÛKBIA 28:7

Phungbia a zulmi cu fapa fim a si, sihmanhsehlaw ei din leiah sumnak a ngei lomi hna hawikom a simi cu a pa caah ningzahnak a si.

LUKA 16:19

Voi khat cu mirum pakhat hi a rak um i puan man sung bikbik in aa thuam i nifate in nuam ngaingai in khua a sa.

LUKA 16:1

Jesuh nih a zultu kha a thawh hna i, “Mirumpa pakhat a rak um i cu mirumpa nih cun thil zohkhenhtu pakhat a ngei i a thil zohkhenhtu nih cun a tangka kha a duhduh in pakpalawng ah a hman tiah an chimh.

LUKA 15:30

Sihmanhsehlaw hi na fapa, thilri vialte hlawhhlangnu sin i a hlolak dihtu hi inn i a hung tlun ṭhan tikah caw thaute kha na thahpiak!’ tiah a ti.

MIKAH 6:3

Maw ka mi hna, nan cungah zei hen dah ka tuah? Zeitindah nan tha kan batter hna? Mah hihi ka let tuah u.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

ISAIAH 56:12

Hi zuri hna nih hin an i thawh i, ‘Zu kha la rih u sih law kan celh chungin tawng u sih. Thaizing cu nihin nak hmanh hin a ṭha chin deuh rih lai,’ an ti,” a ti hna.

ISAIAH 30:11

Lam kan kian u law kan kalnak kha kan dawn hlah u. ‘Israel Pathian Thiang,’ nan ti lengmangmi theih hi kan duh lo,” tiah an ti hna.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

ISAIAH 1:4

A! misual phun, ṭhat lonak in a khat i dinlonak a tuah pengmi hna, nannih cu nan lo cang. Bawipa Israel Pathian Thiang cu nan hlawt i hnulei nan chit caah nan sualnak nih chuk ah an hnuh cang hna.

PHUNGTHLÛKBIA 27:8

A inn in a tlaumipa cu a bu in a tlaumi va bantuk a si.

PHUNGTHLÛKBIA 21:20

Mifim umnak ah cun ro le rah kha a tang, sihmanhsehlaw mihrut nih cun nih cun a sawksam dih.

PHUNGTHLÛKBIA 18:9

Mahle rian ah a daithlangmi cu hrawkhraltu unau a si.

PHUNGTHLÛKBIA 6:26

Zeicahtiah hlawhhlangnu cu changreu hlum khat in hlan khawh a si ko, sihmanhsehlaw a va cungin pa aa duhmi nih cun mipa nunnak hrimhrim kha tlaih aa tim.

SALM 73:27

Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

2 PETER 2:13

fahnak an tluntermi caah khan fahnak in lehrulh an si lai. Annih nih nuamhnak an timi cu chun ceupi i pumsa duhnak zeipaoh tuah kha a si ko; hlennak ah an hmanmi lam kha an zulh peng ko caah nan sin i rawl an ei tik zongah ningzahnak le hmaichiatnak chuahpitu an si.

EFESA 2:17

Cuticun Khrih cu a ra i mi vialte sinah Thawngṭha cu a chim — Pathian he aa hlatmi nannih Jentail mi zong an chimh hna i Pathian he aa naihmi nannih Judah mi zong an chimh hna.

EFESA 2:13

Sihmanhsehlaw atu cu Khrih Jesuh he nan i pehtlaihnak thawngin lamhlatpi i a rak um tawnmi kha Khrih thihnak nih lamnaite ah an chiah cang hna.

LUKA 15:12

A ngakchia deuh pa nih khan a pa cu a thawh i, ‘Ka pa, atu hin ka co hnga a simi ro cu ka pe ko,’ a ti. Cucaah an pa nih an unau cun ro cu a cheuh hna.

LUKA 15:14

A ngeihmi vialte cu a hloh dih. Cun cu ram ah cun mangṭam a tlung ciammam i a tawro in a ṭhu.