LUKA 13:15 - Lai (Hakha) Common Language Bible 2006

¹⁵ Bawipa nih cun a leh i, “Mi depde hna. Aho paoh nih Sabbath ni ah nan caw siseh nan la siseh an inn in nan thlah hna i ti dinh awkah nan kalpi ko ṭung hna.

Laibaibal Thiang (BSI)

¹⁵ Bawipa nih, “Midepde hna, nannih zongnih Sabbath ni ah, nan caw siseh, nan lâ siseh an khihnâk phoih in ti dinter awkah a chuakpi lomi nan um maw?

LUKA 13:15 Խաչաձեւ Հղումներ

LUKA 14:5

Cun annih cu a thawh hna i, “Nan lak i pakhatkhat hi a fa maw, asiloah a caw maw Sabbath ni ah tikhor ah tla seh law, Sabbath ni a si ai tiah chuah loin maw nan um ko hnga,” tiah a ti.

MATTHAI 23:28

Cu bantuk cu nan si, a lenglei cun mi ṭha ko nan lo, sihmanhsehlaw nan chung cu lih le sualnak in a khat.

LUKA 12:1

Mi cu a thongthong in an i pum i, i pah lulhmalh in an um tikah, Jesuh nih a hmasa bik ah a zultu kha a thawh hna i, “Farasi mi thilnu kha i ralring u, ka chim duhmi cu midepde an sinak hi a si.

LUKA 6:42

Na mit chung i a ummi thingtan cu hmu ṭung loin zeitindah na unaupa cu, “Ka nau, na mithnawm kha in cawihpiakning,” na ti khawh? Mi depde. Na mit chung i thingtan kha chuah hmasa law pei na unau hna mit chung i a ummi mithnawm hme tete cu na hmuh khawh lai i na cawih khawh lai cu,” tiah a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

MATTHAI 15:7

Nannih mihrokhrawl hna. Nan kong Isaiah nih a rak chimmi hi a hmaan hringhran ko.

MATTHAI 7:5

Mi depdepa, na mit chung i thingtan kha chuah hmasa law pei, na unau mithnawm cu fiang tein na hmuh lai i na coihpiak khawh lai cu!

ISAIAH 29:20

Midang a hremtu hna le Pathian zei ah a rel lomi hna caah cun an donghnak a si lai. Misual paoh cu hrawh an si lai.

PHUNGTHLÛKBIA 11:9

Pathian zei ah a rel lomi hna an bia nih mi kha a hrawh tawn hna, sihmanhsehlaw miding hna fimnak nih cun a khamh hna.

LUKA 7:13

Bawipa nih cun amah cu a hmuh tikah a zaang a fak ngaingai i, “Ṭap hlah,” tiah a ti.

LUKA 7:19

Bawipa sinah cun a hei thlah hna i, “ ‘Nangmah hi a ra lai timi cu na si maw; asiloah a dang dah kan orh rih lai?’ tiah va hal u,” a ti hna.