LUKA 12:14 - Lai (Hakha) Common Language Bible 2006

¹⁴ Jesuh nih cun a vun leh i, “Mipa, aho nih dah nan pahnih karlak i biathlektu ding le ro ṭhentu dingah nawl a ka pek?” tiah a ti.

Laibaibal Thiang (BSI)

¹⁴ Anih nih, “Minung, nan cung i baiceihtu le ro cheutu ah ahonihdah aka siter? tiah a ti.

LUKA 12:14 Խաչաձեւ Հղումներ

ROM 2:3

Sihmanhsehlaw nangmah nih, cu sual na phawtmi hna thil hrimhrim kha na tuah ve ko hna caah, Pathian sualphawtnak cu ka luat lai, tiah i ruat hlah.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.

ROM 2:1

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

EXODUS 2:14

Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.

JOHAN 8:11

Minu nih cun, “Bawipa, ahohmanh an tang lo,” tiah a leh. Cu tikah Jesuh nih, “Kei zong nih sual kan phaw ve lo. Va kal law a sual bel va sual ti hlah,” tiah a ti.)

JOHAN 6:15

Jesuh nih cun hramhram in siangpahrang i ser awkah hung hnuh an ka duh ti kha a hngalh caah tlang cungah khan amah lawngin a kal ṭhan.

LUKA 5:20

Jesuh nih zeitluk in dah an zumh ti kha a hmuh tikah mipa cu a thawh i, “Ka kawi, na sualnak cu ngaihthiam na si cang,” tiah a ti.

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

LUKA 22:58

Cu hnu tlawmpal ah cun pa pakhat nih a hmuh i, “Nangmah zong hi anmah lak i aa telmi na si ve ko,” tiah a ti. Sihmanhsehlaw Peter nih cun aa pheh ṭhan i, “Mipa, ka si lo,” tiah a leh.

LUKA 12:13

Zapi lakin mipa pakhat nih a hun thawh i, “Saya, ka pa nih a kan rohmi thilri kha a ka cheuh ve naklai ka unaupa kha ka chimhpiak tuah,” tiah a ti.