LUKA 11:45 - Lai (Hakha) Common Language Bible 2006

⁴⁵ Phungbia cawnpiaktu saya pakhat nih a hun thawh i, “Saya, hi bantukin na chim tikah hin kannih zong na kan thangchiat a si ve,” tiah a ti.

Laibaibal Thiang (BSI)

⁴⁵ Cuhnuah nawlbia hngaltu pakhat nih a sinah, hi na sîk hna nâk bia nih kan nih zong a kan hnawr ve, a si lo maw?” tiah a ti.

LUKA 11:45 Խաչաձեւ Հղումներ

JEREMIAH 6:10

Cun kei nih ka leh i, “Aho nih dah ka chawnh hna le ralrinnak ka pek hna tikah ka bia an ngaih duh lai? Annih nih an hna an i phih cang i an ngai bal lai lo. Na bia cu ngaih an duh lo i na chimmi cu nihchuak ah an rel.

JOHAN 9:40

Farasi mi tlawmpal, cuka i amah sin i a um vemi hna nih khan cu bia a chim cu an theih i, “Kannih zong hi, nan mit a caw ve na kan ti duhnak cu a si mei?” an ti.

JOHAN 7:48

Kan upa si hna seh, Farasi mi si hna seh, a zummi pakhat tal nan hngalhmi hna an um maw?

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

LUKA 11:52

“Nannih Phungbia cawnpiaktu saya hna, nan caah ṭihnung a va si dah. Hngalhnak innka hunnak tawh kha nannih nih nan ken, nanmah cu nan lut duh ṭung lo i luh aa zuammi hna zong kha nan dawnh fawn ṭung hna,” tiah a ti.

LUKA 11:46

Jesuh nih cun a leh i, “Nannih Phungbia cawnpiaktu saya hna zong, nan caah ṭihnung a va si dah! Nanmah nih nan kutdong hmanh in nan tawngh duh ṭung lomi thilrit kha mi nan khinh hna.

MATTHAI 22:35

annih lak i pakhat, Phungbia cawnpiaktu saya a simi nih khan bia in foih a timh.

JEREMIAH 20:8

Bia ka chim paoh ah a au in au a hau i Zaang-ennak le rawhralnak a um, tiah thanh a hau. Bawipa, na bia ka chim ruangah serhsat le nihsawh ka si thluangthluan ko.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

LUKA 7:30

Sihmanhsehlaw Farasi mi le Phungbia cawnpiaktu saya hna nih khan cun an ca i Pathian nih a tinhmi kha an duh lo i Johan tipil peknak kha an cohlang duh lo.