LUKA 11:42 - Lai (Hakha) Common Language Bible 2006

⁴² “Farasi mi hna, nan caah ṭihnung a va si dah! Pathian sinah, tihang ṭamhnak puṭinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu.

Laibaibal Thiang (BSI)

⁴² Nannih Farasih mi hna, ngaihchia nan va sidah. Zeitintiah puṭinan, khamhhmuai le thlai phunkip kha cheuhra cheukhat nan pêk, diknâk le Pathian dawtnâk kha zeiah nan rel fawn lo. Hi hna hi pei nan tuah deuh awk a si cu, a dang zong daithlanh hlei loin.

LUKA 11:42 Խաչաձեւ Հղումներ

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

LUKA 18:12

Zarh khat chungah voi hnih lengmang rawl ka ul i chawva ka hmuhmi vialte cheu hra cheu khat kan pek,’ tiah a ti.

1JOHAN 4:20

Mi zeimaw nih, “Pathian ka dawt,” a ti i a unau a huat ṭung ahcun, amah cu mi lihchim a si. Zeicahtiah a hmuhmi a unau hmanh a dawt khawh lo ahcun a hmuh lomi Pathian cu a daw kho lai lo.

MALAKHI 3:8

Minung nih Pathian cu hlen awk a si hnga maw? Si hrimhrim hlah, asinain nan ka hlen.

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

MATTHAI 23:27

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.

JOHAN 5:42

Sihmanhsehlaw nannih cu kan hngalh ko hna; nan lung chungin Pathian nan daw lo ti kha ka hngalh ko.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MALAKHI 2:17

Nan bia in Bawipa cu nan nor cang. Nan i thawh i, “Zeitindah kan nor?” nan ti. Ṭhat lonak a tuahtu vialte hna hi Bawipa mithmuh ah cun an ṭha ko i an cungah a lung aa lawm ko, nan tinak le, khuazei ah dah biading Pathian cu a um, nan tinak thawng hin nan nor cu a si.

MALAKHI 1:6

Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

PHUNGCHIMTU 7:18

Mah hihi naa tlaih ahcun a ṭha, cun mah cucu thlah ti hlah; Pathian a ṭihmi na si ahcun thlua na chuak kho lai.

NEHEMIAH 10:37

cun tlangbawi hna sinah kan changvut cet kan nawn hmasa bikmi le theikung tlai hmasa bik vialte, mitsur hang thar le chiti hna cu kan Pathian inn i thil chiahnak dal chungah khan rak put awkah bia kan i kam; cun kan lo chungin a chuakmi rawl cheu hra cheu khat cu lothlomi khua nih an thawhmi cheu hra cheu khat a khawltu Levi mi hna sinah khan rak chuahpi awkah bia kan i kam fawn.