LUKA 11:13 - Lai (Hakha) Common Language Bible 2006

¹³ Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai,” tiah a ti.

Laibaibal Thiang (BSI)

¹³ Nannih misual hmanh nih nanfa le thilṭha pêk nan hngalh ahcun, van i nan Pa nih a haltu sinah Thiang thlarau a pêk lai ning cu,” tiah a ti.

LUKA 11:13 Խաչաձեւ Հղումներ

MATTHAI 7:11

Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

PHUNGTHLÛKBIA 1:23

Kan chimhhrin hnanak kha nan ngaih ahcun ruahnak kha kan cheuh hna lai i Ka bia kha kan cawnpiak hna lai.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

EZEKIEL 36:27

Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

ISAIAH 49:15

Cucaah Bawipa nih a leh hna i, “Nu nih a fa cu a philh kho hnga maw? A chungchuak cu daw loin a um kho hnga maw? Nu nih hin cun a philh hmanh a philh kho hnga, sihmanhsehlaw kei nih cun kan philh bal hna lai lo.

MATTHAI 6:14

“Mi nih nan cungah an tuahmi ṭhat lonak kha nan ngaihthiam hna ahcun, vancung i a ummi nan Pa zong nih an ngaihthiam ve hna lai.

MATTHAI 6:32

(Hi thil hna cu Pathian bia lomi hna nih an lungre an i theihpi zungzalmi pei an si cu.) Vancung khua i a ummi nan Pa nih hi thil vialte cu nan herh dih hna ti kha a hngalh ko.

LUKA 11:2

Jesuh nih cun, “Hitihin thla cu nan cam awk a si lai: ‘Kan Pa, Na min thiang cu upat si ko seh, Na Pennak cu tlung ko seh.

MATTHAI 6:30

Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah!

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

SALM 51:5

Sual cia in hrin ka si, ka nu nih a ka pawi ah khan, misual ka si cang.

ROM 7:18

Ka chungah hin — ka minung sining ah hin — ṭhatnak a um lo ti kha ka hngalh. Zeicahtiah ṭhatnak tuah duhnak kha ka chungah um hmanh seh law ṭhatnak cu ka tuah kho lo.

ROM 5:17

Mipa pakhat sualnak thawngin, cu mipa ruangah cun, thihnak nih khan minung cu uk hram a hun thawk hna. Sihmanhsehlaw mipa pakhat, Jesuh Khrih tuahmi chungin a chuakmi cu zeitluk in dah a ngan deuh! Mipa pakhat thawngin thihnak cu a um a si ahcun, Pathian velngeihnak duhdim le dinnak a laksawng a hmumi vialte hna cu, mipa pakhat Jesuh Khrih thawngin thlarau nunnak a ṭhawng chinchinmi an ngei lai.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

LUKA 11:12

Arti an in hal hna ah tah tlangngaikuang nan pe hna hnga maw?

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?