LEVITIKAS 8:35 - Lai (Hakha) Common Language Bible 2006

³⁵ Tonnak thlam innka ah, chunzan in ni sarih chung, Bawipa nih an fialmi hna tuah awkah, nan thih sual nakhnga lo nan um lai; zeitintiah cu bang cun nawl pek ka si,” tiah a ti.

LEVITIKAS 8:35 Խաչաձեւ Հղումներ

1 SIANGPAHRANG 2:3

cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai;

DEUTERONOMI 11:1

“Cucaah Bawipa na Pathian cu na dawt lai i a bia le a nawlbia hna le a phunglam hna le a phungbia hna cu na zulh zungzal lai.

NAMBAR 9:19

Minmei cu puan biakinn cung i a um kha ni tampi a si hmanh ah Israel mi nih Bawipa nawlbia cu an zulh ko i an i thawh lo.

NAMBAR 3:7

Puan biaknak inn ah rian an ṭuanpah in amah ca le aa pummi dihlak caah tonnak thlam hmaiah rian an ṭuan lai;

HEBRU 7:28

Moses Nawlbia nih cun a tling lomi minung kha tlangbawi ngan ah a ser hna, sihmanhsehlaw chiatser tein tuahmi biakamnak, Moses Nawlbia hnu deuh ah a rami nih cun zungzal in a tlingmi tlangbawi ah Fapa kha a ser.

2TIMOTE 4:1

Pathian hmai le, mi vialte a nungmi he a thimi he, bia a ceihtu ding Khrih Jesuh hmaiah, fak piin kan nawl; cun a rat lainak le a pennak in kan nawl fawn;

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

1TIMOTE 5:21

Pathian le Khrih Jesuh le a thiangmi vancungmi hmaika ah, zei thil paoh na tuah tikah aho cung hmanh ah duhdanhnak zeihmanh um loin na tuah nakhnga hi cawnpiaknak hi va zul ko tiah kan nawl.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

EZEKIEL 48:11

Cu hmun cu Israel mi hna lam an rak tlau i Levi mi hna nih an rak zulh hna bangin a zul lomi Zadok fapa hna, ka rian ṭha tein a ṭuanmi thiantermi tlangbawi hna caah khan a si lai.

EZEKIEL 43:25

Ni sarih chung cu nifate sual thawinak caah saṭil run chungin meheh pakhat, cawtum no pakhat le tuukawng pakhat kha na hman lengmang hna lai; cu hna cu an dihlak in dotla lawngte an si lai.

NAMBAR 19:12

ni thumnak ni le ni sarihnak ni ah i thianhnak ti khan aa thianh lai i cu bangin a thiang lai; sihmanhsehlaw ni thumnak ni le ni sarihnak ni ah aa thianh lo ahcun a thiang lai lo.

LEVITIKAS 14:8

Cun thianh awk a simi nih cun a hnipuan a suk hna lai i a sam vialte aa meh dih lai i ti in aa kholh lai i amah cu a thiang lai; cun cu hnuah cun riahnak hmun chungah cun a lut lai, sihmanhsehlaw amah buk lengah ni sarih a um lai.

LEVITIKAS 10:1

Cun Aaron fapa Nadab le Abihu nih an meilaknak kheng cu an i lak veve i a chungah mei an chiah i a cungah zihmui an phulh i Bawipa hmaiah a thiang lomi mei cu an thawi, nawl a pek lomi hna kha an tuah.

LEVITIKAS 8:30

Cun Moses nih thuhnak chiti tlawmpal le biakṭheng cung i a ummi thi tlawmpal cu a lak i Aaron le a puan hna cu a theh hna i, a fapa hna le a fapa hna puan hna zong cu a theh hna; cu bangin Aaron le a puan hna le a fapa hna le a fapa hna puan hna cu a thianh ṭi hna.

EXODUS 29:35

“Aaron le a fapa hna caah hin kan chimhning bantukte in na tuah lai. An caah thleidannak na tuahmi hi ni sarih chung a si lai.

LEVITIKAS 8:34

Nihin i tuahmi bang hin, nannih ca i remnak ser awkah Bawipa nih nawl a kan pek cang.

LEVITIKAS 8:36

Cun Bawipa nih Moses in nawl a pekmi tuah awk thil vialte cu Aaron le a fapa hna nih an tuah.