LEVITIKAS 8:32 - Lai (Hakha) Common Language Bible 2006

³² Cun sa le changreu a tangmi cu mei in nan khangh lai.

LEVITIKAS 8:32 Խաչաձեւ Հղումներ

EXODUS 29:34

Sa a cheu maw changreu a cheu maw zinglei tiang ei dih lomi a um ahcun, cucu khangh an si lai. A thiangmi thil an si caah ei an si lai lo.

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

PHUNGTHLÛKBIA 27:1

Thaizing kong kha i porhlaw hlah, cu ni nih zei a chuahpi lai kha na hngal lo.

LEVITIKAS 7:17

sihmanhsehlaw a kiptuh tiang thawinak sa a tangmi cu mei in khangh a si lai.

EXODUS 12:10

An zeihmanh kha zinglei tiang nan tanter hna lai lo, a tangmi a um ahcun mei in nan khangh hrimhrim hna lai.

LEVITIKAS 8:33

Cun tonnak thlam innka in ni sarih chung nan chuak lai lo, nanmah thleidannak ni hna a tlin hlantiang, zeitintiah nanmah thleidannak caah ni sarih a herh lai.