LEVITIKAS 8:21 - Lai (Hakha) Common Language Bible 2006

²¹ Cun a chungril le a ke hna cu ti in a ṭawl hna i Moses nih tuukawng cu a pum in biakṭheng cungah khangh thawinak caah, rimthaw Bawipa sin i mei in thawinak caah, a khangh, Bawipa nih Moses nawl a pek bang khan.

LEVITIKAS 8:21 Խաչաձեւ Հղումներ

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

LEVITIKAS 2:9

Cun tlangbawi nih changvut thawinak chung cun hngalh camcinnak kha a lak lai i biakṭheng cungah a khangh lai; mah cucu mei in thawinak, Bawipa caah rimthaw a si lai.

LEVITIKAS 1:17

a thlaki a thlongh hna lai, sihmanhsehlaw a pum cu a cheu lai lo. Cun tlangbawi nih biakṭheng cungah cun, mei cung thing cungah cun a khangh lai; mah cucu khangh thawinak, mei in thawinak, Bawipa caah rimthaw cu a si.

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

EXODUS 12:9

A hring in nan ei hna lai lo, chumh zongin nan ei hna lai lo, a pumning in nan em hna lai, an lu he an ke he an chungril he nan em hna lai i cuticun nan ei hna lai.

EXODUS 40:16

Bawipa nih a fial bantuk tein zeizong vialte kha Moses nih a tuah dih.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 8:9

Cun lupawng a ponh i a lupawng cungah, hmailei ah, sui kheng, a thiangmi bawi luchin cu, a benh; Moses nih Bawipa nih nawl a pek bang khan a tuah.

LEVITIKAS 8:13

Cun Moses nih Aaron fapa hna cu a ratpi hna i angki leng a hruk hna i taisawm a sawmh hna i lupawng a ponh hna, Bawipa nih Moses nawl a pek bang khan.